رحمه وعلي -1

كانت ركضت لشقتها تستوعب ما سمعت .. هل يرى حبها له وثقتها فيه غباء .. هل براءتها وعدم خبرتها في الرجال وكذبهم وتزيفيهم عيب فيها هل يستغل ذلك في كذبه والجري وراء شهو.اته والعودة لها
نفين بدموع : وحياة ربنا لأخليك تلف حوالين نفسك يا شادي …
سمعته صوته في الخارج نامت وغطت نفسها
شادي بضيق: نيفو مش وقت نوم وحشاني اوي
اقترب منها واصبحت يده تمشي على جس.دها ويقب.لها من عنقها وشفت.يها.. لكنها كانت كقطعة ثلج لا تبدي اي رد فعل
شادي باستغراب : نفين مالك
نفين بضيق: ما فيش تعبانة
شادي : من امتى بتبقي كدة معايا
نفين بحدة : ايه تعبانة زي الناس ايه حرام
شادي بحنان : خلاص يا حبيبي نامي حقك عليا
غطت وجهها مرة أخرى تبكي بشدة على حظها

في اليوم التالي طلبت منه الذهاب لبيت أهلها والنوم هناك وافق لكنها كانت تجلس في عالم آخر
رحمة : ايه مزعلك ولا ايه مالك
هناء : ايوة يا نيفو مش معانا خالص
نفين ؛ عادي خناقة عادي
رحمة بهزار : جربتي الصوت الشتوي
نفين : ايه الصوت الشتوي
هناء بضحك : انتي تقوليله ياااا استاذ بالتفخيم شادي
رحمة : ايوة واوعك تكلمي وانتي حافية .. ليه بقى
نفين بضحك : ايوة ليه
رحمة : عشان الكلام حيخرج من رجلك وانتي لابسة بخرج من قلبك
ضحكت نفين بشدة على كلامهم وهمست : ايه الهبل ده
رحمة: دي وحدة اسمها ياسمين هبل .. واوعك تتنفسي وجوزك قاعد جمبك
نفين : لا والله واعمل ايه
هناء : تكتمي نفسك لغاية ما تروحي الجنة على طول
نفين : الكلام ده بجد هيا قالت كدة
رحمة: فكك منها دي وحدة عايزة عريس فبتعمل تسويق واعلان
دخل عليهم عمر اخيهم
عمر : اهلا … وقبل ان يكمل لاحظ نفين
عمر بابتسامه: ازيك يا نيفو وحشاني
نفين بابتسامه ساحرة : اهلا يا عمر عامل ايه يا حضرة الظابط
عمر : ماشي حالي .. انتي اللي ما بقتيش تسألي
نفين باحراج: احم الدنيا تلاهي
نظر لها قليلا ثم همس بألم حاول اخفاءه: بس يارب تكون التلاهي مخلياكي مبسوطة
نفين بابتسامه : اهي ماشية
عمر بضيق : مبسوطة يا نفين
نفين : حاول تنسى يا عمر .. انسى اني تجوزته وانت رافض واستنيت تسافر وصممت على الجواز انسى
عمر : هه انسى … لو كان يستاهل كان نسيت انتي تجوزتي واحد مافيش وحدة معرفهاش … ولسة في حاجات حتتكشف تاني وانتي مصممة انك حتقدري تغيري بس اللي لاحظته انك انطفيتي ودبلتي واللي متأكد منه لو يرجع الزمن مش حتوافقي عليه
اخفضت رأسها تبكي لتحضتنها هناء بدموع فكل منهم قلبه سبب ألمه
خرج عمر وهو يضـ,ـرب رأسه لتهبط دموعه بسبب وجع قلبه
&&&&
رحمة & علي
دخل علي المحاضرة وجدها في المقعد الأول وجهها افضل بكثير
ابتسم لها اخفضت رأسها بالكتاب
بدأ علي يشرح وحاولت الاستيعاب لكن دون فائدة لاحظ علي حزنها ودمعة هبطت منها ..
انهى المحاضرة قبل موعدها فقلبه انشغل عليها
وبدأ الجميع بالخروج وهي تحاول كتابة اي شئ لاستيعاب الدرس اقترب منها علي بقلق وهمس : رحمة انتي كويسة
رحمة: اه كويسة
علي : بتعيطي ليه
رحمة : ما فيش<!–nextpage–>
علي: مش حاضغط عليكي بس اي مساعدة انا موجود
أدار وجهه ليذهب ليأتيها صوتها الباكي
رحمة: دكتور علي
علي بحنان : سامعك
رحمة : ينفع اطلب منك طلب
نظر لها بانتباه لتكمل بصوت حاولت أن يكون طبيعيا: انا بالأسبوع اللي غيبت فيه حضرتك شرحت كتير المحاضرة اللي فاتت كانت مبنية عاللي قبل حاولت افهمما ما عرفتش ودي كمان مبينة على اللي فات وانا حاسة حالي تايهة مش فاهمة حاجة
علي بضحك : وهو ده اللي مخليكي كدة .. قلقتيني طيب تحبي اشرحلك هنا
هزت راسها بلا
علي : طيب بالمكتب عندي
رحمة بقلق : احم لا
علي بضحك : خلاص في البيت عندي .. اصل ماما عيانة ونفسها تشوفك
رحمة بضحك : واروح الاقي ماما فعلا
ضحك علي بقوة جعلت رحمة تتوه في وسامته وهمس : وانتي مش عايزة تيجي تلاقي ماما ولا ايه
رحمة : ههههه لا ماما ولا بابا انا فاهمة الدرس مية مية
علي : ما تقلقيش يا رحمة روحي دلوقتي على محاضراتك وحنلاقي حل اكيد
ابتسمت رحمة وهمست : متشكرة اوي
هز رأسه وذهب وعقله قد انشغل في تلك العينين الفاتنة
علي : برضو كان لازم تغطي عينيها
وبعد يومان في موعد المحاضرة كانت قد تأخرت قليلا دخل ولم يجدها شعر بضيق شديد كان سينهي المحاضرة لكنه ابتسم حينما دخلت نظر لها كانت قد ارتدت فستان طويل بلون عينيها وحجاب اوف وايت كأنه امام أجمل فتاة في العالم
رحمة : ينفع ادخل يا دكتور
علي بتماسك : ايوة تفضلي
علي لنفسه؛ وبعدين بقى انا شكلي حاستقيل قبل ما اتمسك بقضية  “اب
علي : في طلاب كتير كلموني مش فاهمين كام درس من اللي فات فانا حشرحه دلوقتي من البداية وحكمله في محاضرة تعويضية بكرة للي حابب يجي
شعرت بنفسها تحلق بالسماء سعيدة جدا كأنها تطير ابتسمت بشكر نظر لها قليلا وبدا بالشرح وهي منتبهه جدا وتسجل كل الملاحظات
احدى الفتيات بالخلف : اول مرة يعيد حاجة كنا بنترجاه يعيد المسألة كان يقول شرحي واضح ايه اللي غيره
كانت تستمع لهم رحمة باستغراب ومفاجأة وبعد وقت انتهت المحاضرة كانت فهمت كثيرا
اقتربت منه وهمست بسعادة: متشكرة اوي اوي
علي : ما فيش داعي للشكر انا السبب بغيابك يارب تكوني فهمتي
رحمة: اوي .. بس بكرة حتعطي محاضرة مخصوص عشان تكمل
علي: عشان ما تعيطيش حاعطي مش خسارة في العيون دي
رحمة : احم
علي : قصدي عشان ما تدعيش عليا بقيام الليل
رحمة: انا ما دعيتش عليك
نظر لها باستغراب لتكمل هيا بخجل: انا دعيتلك بالهداية بس والله ما دعيت عليك
علي : انا حاضايقك كل شويا عشان تدعيلي بالهداية
رحمة بامتنان : انت ساعدتني اوي بانك تعيد الشرح فاكيد حدعيلك دايما
علي : رحمة بجد اعتبري ليكي اخ هنا اي حاجة انا موجود
نظرا لبعض قليلا لتقطع هيا الصمت : متشكرة اوي عن اذنك يا دكتور
علي؛ اول مرة اشوفك لابسة فستان
رحمة : دي نفين اختي
علي : مرات شادي
نظرت له باستغراب ليهمس: اعرف شادي وبالصدفة عرفت انها اختك بس حاولي ما تلبسيش اللون ده
رحمة باستغراب : ليه وحش
علي : اصل عينكي فتنة بدون ما تلبسي على لونهم
كادت تذوب من الخجل لتركض للخارج وهو ينظر لها باستغراب وما سبب انجذابه لها
&amp;&amp;&amp;&amp;