– ازاى يعنى يا جدى عايزنى اتجوز واحده ومغتصبه كمان انت مش واخد بالك اننا صعايده يعنى ولا ايه
– وعلشان احنا صعايده يبقى لازم نستر على بناتنا
– انا مالى اتحمل ذنب انا معملتوش ليييه
– علشان ده سلو بلدنا يا ولدى ولا الفضيحه هتكون فى العيله كبيره والى عايزين يشمتو كتير
– وليه انا ما عندك ولاد عمى كلهم ومفيش واحد فيهم متجوز
– علشان مفيش حد فيهم يقدر يتحمل المسؤليه دى غيرك يا ولدى … انت الكبير يا سليم وانت الى لازم تستر بنت عمك
– انت كده بتحكم عليا بالموووت يا جدى
– بعد الشر عنك يا ولدى بس انا لو معملتش كده هحكم بالمووت على بنت عمك وهى ملهاش ذنب فى كل الى حصلها
– سليم بيتكلم وهو فاقد الامل وخلاص مبقاش فى مفر من كلام جده ولا من القرار الى اصدر فى حقه :- حاضر يا جدى
– كتب الكتاب يوم الجمعه الجايه يا ولدى
– سليم بتفاجئ :- ده بعد بكره
ليه مستعجل قوى كده يا جدى
– الفضيحه مبتصبرش على حد يا ولدى
