القدر -2

بارت١١&١٢ صلوا على رسول الله *** يامن _هههه يابنى حرام عليك موتنى من الضحك كفايه انت عايش مع مين بالظبط مافيا ولا اسود ولا وحوش ولا ايه ؟!! حازم _تقدر تقول كوكتيل كده عندنا في القصر كل اللى يخطر على بالك سمع يامن صوت دق على الباب يامن_ثوانى يا حازم هشوف مين ،ادخل دخلت عندما سمح لها اخيها بالدخول كانت تحمل كوبا من العصير المثلج لانعاش اخيها فهو لديه امتحان غدا فى الصباح فرح_ها يا يامن اخبار المذاكرة ايه وقامت بمناولة ايها كوب العصير يامن_متحرمش منك يا حبيبتي،تاعبه نفسك ليه فرح_انا عندى كم يامن يعنى حازم فى الهاتف ويستمع للحوار _ياعينى على الاخوات،ده انا هروح اخلص على حور وحبيية مفيش واحدة فيهم معبرانى بكوبايه مايه حتى ضحك يامن_ههه فرح يابنى مفيش زيها ،لو لفيت الدنيا كلها مش هنلاقى حد بطيبتها وحنيتها ابدا حازم_ربنا يباركلك فيها استغربت فرح_ انت بتكلم حد يا يامن يامن_اه يا فرح ده حازم فرح بضيق_يا سلام وانا اللى مفكرة انك قاعد تذاكر وتعبان من المذاكرة قلت اجيب لك عصير وانت بتتكلم انت وحازم ومفيش مذاكرة حازم_هههه اشرب بقا يا حلو ،،اخلع انا ،،سلام اشوفك فى اللجنه ان شاء الله يامن_ماشى يا حزومى سلام يامن_يابنتى باخد بريك ،فيها ايه بس فرح_ماشى يا يامن وقت البريك انتهى اتفضل ذاكر ،وجلست القرفصاء على سريره _ودى قاعدة لما اشوف هتذاكر ولا لا يامن _ههه يابنتى انتى كمان وراكى مذاكرة ،طب قومى هاتى ورق المادة وتعالى فرح بتحدى _لا لما اشوف ذاكرت كويس ولا لا ،هات الورق ده لما أسألك يامن_هههه ماشى بس هتفهمى حاجه؟! فرح _هات بس ملكش دعوى وبالفعل بدأت تسأل يامن بعض الاسئله على حسب فهمها للورق امامها ،ويامن كان يجيب بطلاقه فرح_لا انا كده اطمنت ،موفق يا حبيبي،هروح اجيب كتابى واجى اذاكر معاك يامن _ماشى ،بانتظارك **** انهى يامن وحازم اختبارهم ببراعه وتقابلا خارج قاعه الامتحان يامن_عملت ايه يا باشا حازم _تمام الحمد الله يا كبير اخر سؤال عصلج شويه بس على مين حليته الحمد لله يامن_اه فعلا كان صعب ،وقف معايا فترة اخذ الإثنان يراجعان الاجابات مع بعضهما يامن_ايه ده انت كنت قاعد معايا فى الديسك ولا ايه ،اجابتنا كلها شبه بعض حازم_ههه ربنا يستر ،انا ممكن يتولع فيا لو مجبتش تقدير كويس يامن _خير باذن الله فى وسط اندماجهم فى الحديث جاء بعض الشبان كى يسخرون من يامن حيث انه لا يليق حسب فهمهم العقيم باحد من افراد عائلة الصياد الواسعه السيط _حازم الصياد مرة واحده،منور ياصياد _بس مش عارف مستحمل المسخ ده ازاى _يابنى ده مقلل من قيمتك اوى ،يابنى ابعد عنه تجهم وجه حازم وكاد أن يرد عليهم ،الا انه نظر امامه فى رعب حقيقي وتراجع للخلف خوفا مما قد يحدث بل انه بالتاكيد لن يمر الامر على الجميع بسلام ابدا اما يامن فقد حزن عندما سمع ما قاله هؤلاء الشبان،ليس فقط لانهم اهانوه ،فهو معتاد على هذا ولكنه يتحامل لكن اكثر ما احزنه أن يتعرض صديقه للسخريه بسببه فهو امر لا يتحمله ،لكنه تفاجئ بخوف حازم وتراجعه بهذه الطريقه فنظر الى ما ينظر اليه حازم وجد ٣شبان اثنان منهم يبدو انهم من لاعبى كمال الاجسام ويبدو من هيئتهم انهم ذو مركز او من الشخصيات المهمه وينظرون الى الشبان الاخرين الذين اهانوه للتو ووجوهم لا تبشر بالخير،اما الثالث فهو عادى هيئته تشبه حازم ولا يمتلك قوة مثل الشابين الاخرين وقف الإثنان امام الشبان الذين كانوا يسخرون من يامن بثبات واعينهم تشع جحيما من ينظر إليهم يظن انه سيحترق من حدة نظراتهم تجمع شباب الجامعه الاخرون حول هذا المشهد الذى لا يتكرر كثيرا حيث يجتمع اثنين من اقوى وزينه شباب عائلة الصياد حول بعض الشبان الطائشون ،اذا فهم بصدد معركه محسومه منذ البدايه ،لذا تسارع الطلبه فهم لا يريدون ان يفوتهم مثل هذه المعركه حتى ولو لم يعرفوا سببها _ابتلع الشبان ريقهم فى خوف وقف" ادهم" امامهم بثبات ودون حراك يرمقهم بنظرات تشع غضبا فين حين تقدم "مروان" منهم_المسخ ده يبقى انتوا واى حد من عينتكم تسول له نفسه أنه يسخر من اى حد قدامه مهما كان شكله او لونه ،وقام بلكمهم الثلاثه بسرعه وببراعه شديده،اردتهم الكمه ارضا يلتون من الالم والصدمة معا ,اخذ يكيل لهم الضربات حتى يظن الرآئى إليهم انهم قد فارقوا الحياة من ثباتهم وعدم قدرتهم على الحراك خرج ادهم عن صمته اخيرا _كفايه عليهم كده يا مروان ،ثم اقترب منهم قائلا بصوت يسمعه الجميع _ده درس لأى حد يفكر بس انه يعتدى سواء بالكلام او الفعل على اى طالب لمجرد انه مختلف ، تفآجأ طلبة الجامعه من قوة مروان وبراعته وفهموا ما يقصده ادهم بكلامه فقاموا بالتصفيق لهم اشادة بعملهم وتملكهم الضيق من الشبان الواقعون ارضا ،لكنهم اشفقوا على ما حدث لهم اقترب يامن من مروان فى حزن _ليه عملت كده ،انا م.... مروان ببسمة متناقضه تماما لما كان عليه قبل قليل_ده اقل واجب نعمله مع اغبيا زيهم ،بعدين انت اعز صديق عند حازم ومنرضاش ابدا لحد يكلمك بالاسلوب ده ادهم وهو يربت على كتف يامن_بصراحه هما كانوا عايزين يتربوا من زمان ،ومروان ما صدق بقا ،ثم مد يده يسلم على يامن ادهم _انا ادهم بن عم حازم ،سعيد بالتعرف عليك بادله يامن السلام فى دهشه فاخيرا تعرف على وحوش قصر الصياد كما كان يحكى له صديقه حازم مروان_وانا مروان ،شرفنى معرفتك يا يامن بجد بادله يامن السلام باعجاب شديد بهم وبتواضعهم الذى لا حدود له اقترب الشاب الثالث وهو حمزة اخو ادهم وابن عم حازم قائلا بصوت هامس لحازم_ خاف على نفسك الاسود من هيعدوا لك اللى حصل بالساهل لم يكمل حمزة كلمته حتى وجد ادهم يقترب من حازم ويمسكه من ياقته بشدة _بقا انت سايب الاغبيا دول يسخروا من صاحبك وانت واقف تتفرج حازم وهو كاد أن يختنق وقال بصوت متحشرج _والله ..كنت ..لسه ..هعلمهم الادب..بس انتوا تدخلتوا ..سيبنى بقا.. هموت فى ايدك حمزة لاخيه وبخوف حقيقى على حازم_خلاص يا ادهم سيبه بقا ،احنا مش فى القصر تركه ادهم بغضب_حسابنا فى القصر يا زفت اخذ حازم يسعل اكثر من مرة من شدة قبضه ادهم عليه يامن_ادهم لو سمحت ،حازم ملوش ذنب فى اللى حصل ،مفيش داعى للغضب ادهم_عيلة الصياد مفيهاش حد جبان يا يامن يامن_حازم مش جبان يا ادهم ،فعلا مكانش هيسكت عن اللى حصل لولا تدخلكم مروان_خلاص يا ادهم ،حصل خير زفر ادهم بضيق_ ماشى ،ها قولولى عملتوا ايه فى الامتحان النهارده زفر حازم بارتياح فهو نجا اخيرا من هجوم الاسد _ الحمد لله تمام ،حليت كويس مروان_وده المتوقع منك يا حزومى ،بالتوفيق ادهم_وانت يا يامن ايه الاخبار يامن_تمام الحمد لله ،الامتحان كان لذيذ ،شكرا لسؤالكم مروان_شكرا على ايه بس،انت خلاص بقيت واحد مننا ،يعنى مفيش بينا شكر حمزة _انت لسه متعرفتش عليا ،،انا حمزة الاخ الاصغر للاخ اللى جمبك ده "ادهم" يامن_اهلا يا حمزة عرفتك اول ما شوفتك ،حازم بيحكى لى عنك دايما نظر حمزة الى حازم_مشرفنى اكييد بادلته حازم النظرات ثم غمز له _اكييد حمزة _مش مطمن لك ضحك الجميع عليه ،وطلب منهم مروان الذهاب لاى كافيه والجلوس معا لبعض الوقت فهم اعجبوا بيامن واخلاقه كثيرا ***** مرت الاعوام الدراسيه وفرح ويامن ينتقلون من سنه دراسيه الى الاخرى بتفوق وتقدير عالى فى كل سنه اما الامر كان مختلف عند امجد فهو كالعادة لا يبذل اى جهد فى المذاكرة ويذاكر فقط قبل كل مادة بايام قليله كارم بضيق شديد _امجد ممكن تيجى على نفسك بقا السنه دى وتجيب تقدير كويس المرة دى بدل مقبول دى ،انا عايزك تكون معايا فى الشركه انا منتظر الحلم ده من زمان امجد وهو يهز رأسه فى ضجر ويزفر فى ضيق_ انت ليه كل شويه هتفتح موضوع الزفت الشركه دى ،انا قلت لك ،انى مش هشتغل فى شركه ومش عايز اشتغل اصلا ،انا مش محتاج للشغل ليه اتعب نفسى واتحمل مسؤليه انا فى غنى عن كل ده كارم بعصبيه شديدة_ انت ايه يا اخى ،مش عارف طالع متبلد المشاعر كده ازاى ،انسان بارد اوى ،ولد تافه ومستهتر،انا بجد مبقتش قادر اتحملك امجد بلا مبالاه _ها خلصت كلامك ولا لسه فى كلام تانى عايز تسمعهولى ،ولا اقولك وفر كلامك ده لانه مش هيأثر معايا كارم وقد وصل لاقصى درجات غضبه ورفع يده ليضرب به امجد _لا انت تعديت حدودك ولازم تتأدب شهقت امال من هول الموقف فلاول مرة يمد كارم يده على ابنه امجد(ليته فعلها من زمان) امسك امجد يد والده قبل أن تصل الى وجهه بكل بجاحه_اسف يا والدى ،مسمحش لحد حتى لو كان ابويا انه يمد ايده عليا تفآجأ كارم ،من اى شىء يكون هذا الولد جلس على اقرب مقعد فى ندم ويأس شديدين امال_رايح فين يا امجد استنى بس يابنى امجد_سيبينى الوقتى يا ماما انا على اخرى امال_قوله حاجه ياكارم متسبهوش يمشى وهو زعلان كده كارم_سيبه يروح فى اى داهيه ،انا مبقتش طايقه نظر امجد الى والده بغضب ورحل ،امال_ امجد،يا امجد استنى بس لكنه لم يستمع وركب سيارته وانطلق بها رفزت امال فى ضيق _عاجبك كده اهو الولد مشى كارم بعصبيه_ كفايه بقى انتى السبب فى اللى هوا فيه ،دلعك وخوفك الزائد على زعله اللى وصله لكده ،مبقاش حد قادر يكلمه امال بعصبيه مماثله_ياسلام ،انا بس اللى بدلله ،انت كمان طول عمرك كنت بتخاف عليه وبتجيب له اللى هوا عايزه ،كنت بتغير له عربيته كل شهر وباعت معاه بودى جارد فى كل مكان يروحه لحد ما كلمته بقت مسموعه فى كل مكان حتى انت مبقتش قادر تتحكم فيه ،فوق لنفسك يا كارم ،ولازم تكون عارف أنا مهما عمل امجد انا فى صفه انا مش هخسر ابنى الوحيد اللى اتمنيته من الدنيا تركها كارم وصعد الى غرفته وهو يشعر بالالم واليأس واخيرا الندم ،حقا لقد ندم ،لاول مرة يندم على انه بدل ابنه بآخر ،لكل ترى هل ينفع الندم ،هل سيدفعه ندمه هذا الى البحث عن ابنه الحقيقى ، هيهات هيهات فهو مازال على كبره ومازال لا يريد هذا المعاق من وجهه نظره العقيمه بل فكره هو المعاق وليس ولده ،لايعرف انه اهدى المعاق هذا الى اسرة كانت به تفتخر ،اهداهم ولدا بارا حقا بهم ،واخا محبا وحنونا على اخته ،وشابا يحتذى به ويضرب به المثل فى النبل والاخلاق الطيبه والشهامه ****** فرح وهى تمشى مع اخيها فى طريقهم الى المنزل بعد يوم شاق فى الجامعه _ياااه انا مش مصدقه انه مبقاش غير شهر على الامتحانات ونتخرج بقا ،ياااه يا يامن اخييرا يامن_اخيرا ياحبيبتى ،الحمد لله ،ربنا يكملنا على خير ،واشوفك احسن حد فى الدنيا يارب فرح _وانت كمان يا يامن ،ربنا يحقق لك كل اللى بتتمناه يارب **** _خير يا ماما انتى طلبتينى كانت سماح تجلس فى صاله منزلها على الاريكه الموضوعه فى الوسط وفى يدها عدة صور لبنات اختارتهم بنفسها ليختار منها ابنها احداهن ليتزوجها _تعالى يا على ،شوف الصور دى واختارلك يا حبيبي اللى تعجبك زفر على بضيق_تانى يا ماما،انا قلت لك انى بحب امانى ومش بفكر فى واحدة تانيه غيرها سماح بعصبيه_ماهو المنيلة دى مش عارفه تحمل بقا وتجيب لى حته العيل اللى نفسى فيه ،يبقى تشوف غيرها وانت ربنا محلل لك اربعه (الان تعرف ربها ،اين كان مراقبتك لربك وانت تبدلين الطفلين) على_يا ماما دى شىء بإرادة ربنا ،ملناش دخل فيه سماح_يعنى ايه مش هتختار واحدة من البنات دى،انا مختارهم لك على الفرازة سمعت امانى ما قالته حماتها وحزنت كثيرا وصعدت الى شقتها بالاعلى وشرعت فى جمع ملابسها فى حقيبه لترحل من هنا على بضيق_يا ماما قلت لك لا ،مش هتجوز على امانى مهما حصل ،حتى لو اتأخرت فى الحمل لعشر سنين كمان سماح وهى تضرب على صدرها_يالهوى انت عايز تموتنى ناقصه عمر بحسرتى(محدش بيموت ناقص عمر يا مخبولة) على_ده اللى عندى يا ماما عن اذنك طالع لمراتى فوق اللى لو كانت سمعت كلامك هتزعل اوى سماح _ما تزعل ،ولا تتفلق على_لاحول ولا قوة الا بالله ،وصعد الى شقته **** قاد سيارته قليلا ثم اوقفها على مسافه ليست بالبعيدة ارجع رأسه للخلف واغمض عينيه فى ضيق شديد ولكنه فتحتها مرة اخرى وهو يعتدل فى جلسته فقلد جاءت مرة اخرى صورتها فى خياله والتى لم تفارقه لليله واحده ،كل يوم يحلم بالانتقام منها ،كيف لا وهى الوحيدة التى استطاعت أن تنال من كبريائه الامر الذى لم تستطع والده حتى عليه يوما جن جنونه مضى فترة طويله وهو يبحث عنها وليس لها اثر ،لذا عزم وهو فى كامل غضبه وثورته أن يبحث عنها فقاد سيارته بسرعه ينظر حوله فى كل مكان عله يجدها يفرغ فيها غضبه **** _ماما هروح اجيب دفتر من المحل اللى جنبنا ، يامن_خليكى يا فرح،هروح انا اجيب لك اللى انتى عايزاه فرح _المحل جنبنا مش بعيد، هروح واجى بسرعه وقف يامن ينتظر عودة اخته من شباك منزلهم انتهت فرح من شراء ما تريد وفى طريق عودتها للبيت كانت قد اقتربت كثيرا من المنزل قطعت طريق مرورها (حاسه كده ان فى ناس فكرت امجد هوا اللى قطع طريقها )سيدة ما ومعها ابنها السيده _ انتى فرح ،بسم الله ماشاء الله وقفت فرح ونظرت للسيدة باحراج_ اه انا ،حضرتك تعرفيتى؟! السيدة وهى تلكز ابنها فى كتفه _اه ياحبيبتى ،هوا حد ميعرفش فرح اجمل بنات الحارة ،ماشاء الله ادب و اخلاق وجمال تحرجت فرح كثيرا وخاصه من وجود هذا الشاب مع السيدة وزعت نظرها على بيتها فلمحت عيناها بسرعه وجه اخيها يامن وهو ينظر اليها بغضب شديد فقالت للسيدة وهى تضع وجهها ارضا _شكرا لزوء حضرتك،انا لازم امشى عن اذنك ،وانطلقت سريعا الى داخل المنزل السيدة _شوفت يا حسن ،البنت زى القمر ،ها ايه رايك ____ حسن _معاكى حق يا ماما السيدة _لا وادب واخلاق كمان ،مفيش بعد كده حسن _ خلاص على خيرة الله نروح نكلم ابوها ترى حقا هل ستتزوج فرح من حسن لما كان يامن ينظر الى فرح بغضب هل فشلت محاولات سماح فى الحصول على حفيد؟! ___ دخلت فرح المنزل وهى فى حيرة لما كان ينظر يامن لها بغضب هكذا ،لم تجده عند النافذة كما كان منذ قليل فرح_ماما يامن فين احسان_دخل اوضته وبيقولك ادخليله عايزك فرح فى نفسها_هوا ايه اللى بيحصل طرقت فرح باب غرفه اخيها ودخلت عندما سمح لها بذلك دخلت وجدته يشتعل غضبا ،اقتربت منه يامن فى حاجه ،ماما قالت انك عايزنى _يامن مالك،مش بترد عليا ليه يامن بعينين تشع غضبا_يعنى مش عارفه انتى عملتى ايه _يامن،انا مش فاهمه حاجه ،انا عملت ايه يامن بصوت مرتفع_ايه اللى خلاكى تقفى مع الست دى فرح_عادى يا يامن الست كلمتنى ورديت عليها فيها ايه يامن وهو يمسك ذراع اخته_عادى ،هتقولى عادى والواد اللى معاها مش شايفه كان بيبصلك ازاى فرح بالم_يامن ايدى ، انا مليش علاقه باللى كان واقف معاها انا كنت بشوفها عايزة ايه وبس ترك يامن يدها وحاول كبت غضبه _فرح امشى من قدامى دلوقتى فرح وهى تكاد تبكى _يامن،انا .... يامن بحدة_قلت لك اخرجى دلوقتى فرح اقتربت منه،_يامن انا اسفه ،والله موقفتش معاها غير ثوانى بس ،اوعدك انى مش هكررها ،يامن يامن وقد فقد السيطرة على نفسه_قلت اخرجى يافرح خرجت وهى حزينه فشلت الدموع من ان تظل بداخل عينيها ،ونزلت على هيئة شلال ،جرت الى غرفتها سريعه خشيه من تراها والدتها على هذا الحال دخلت غرفتها وهى تبكى بشدة فلاول مرة يعاملها اخيها بقسوة هكذا ،لم يكن هكذا يوما ،كان دائما حنونا طيبا معها،حتى وان تخالفا مرة ،لم يسمح ابدا برؤيتها حزينه ويحرص على ارضائها حتى لو كانت هى المخطئة ،القت بنفسها على سريرها واخذت تبكى **** القى يامن ما على مكتبه ارضا بقوة وهو فى قمه غضبه اغمض عينيه فى حزن ،نعم غضب عندما وجد هذا الشاب ينظر الى اخته وهى تقف امامه ،نعم يعرف انها ليست مخطئة ،لكن ما كان ينبغى لها أن تقف معهم من الأساس ،ترى هل بالغ فى غيرته وغضبه ،هل قسى حقا على اخته احس انه سيجن عندما علم انه احزنها بالفعل ،ولكن لا يستطيع الذهاب اليها الان هو مازال غاضبا وفى هذه الاثناء جاءه اتصال من حازم يامن_ حازم ،هوا انا غلطان لما اغير على اختى رد عليا ياحازم استغرب حازم _فى حاجه حصلت يا يامن يامن_رد على سؤالى وريحنى يا حازم حازم_لا طبعا مش غلطان بس غيرة عن غيرة تفرق ،احكيلى حصل ايه قص له يامن ما حدث ،،حازم_غلطان طبعا يا يامن اختك معملتش حاجه غلط انت افورت الصراحه يامن بانفعال _وهو على اى اساس يبص ليها كده فين غض البصر قولى لا وامه بتلكزه فى كتفه علشان يبص ،ماشاء الله على الامهات حازم وهو يضحك_هههه بقى انت مفهمتش من الموقف ده هما عايزين ايه يامن_حازم ده مش وقت تهريج بجد حازم_يابنى افهم ،الست دى اختارت فرح عروسه لابنها وعاملة حجه انها بتكلم فرح علشان ابنها يقدر يشوف اختك قبل ما يتقدم لها يامن بضيق_يا سلام ، طب ايه رايه مش هنوله اللى فى باله وموضوعه منهى ما قبل يا يبتدى اصلا حازم _اهدى يا يامن ،الموضوع ميتأخدش كده ومتظلمش اختك ،لو فعلا تحليلى صحيح ودخل البيت من بابه اعطى لاختك فرصه تقول رأيها يامن_انت بتقول ايه يا حازم حازم _فوق يا صاحبى اختك خلاص كبرت وقريب اوى هتتجوز وتروح بيتها،دى الحقيقه اللى انت مش عايز تعترف بيها وخايف تواجهها ،انت بس مش متضايق من الموقف اللى حصل ،لا انت مش قادر تواجه فكرة أن حد يرتبط باختك ،،عارف قد ايه انت متعلق بفرح وبتحبها بس مش معنى كده انك تمنعها من الارتباط بالشخص اللى تختاره ،فوق يا يامن وروح صالح فرح ،هيه مغلطتش ومتستاهلش منك كده *** نغم_ايوة يافروح ،اكيد وحشتك مش كده فرح وهى تحاول ايقاف بكاؤها كى تستطيع الكلام _نغم تعالى خدينى من هنا حالا نغم_فرح انتى بتعيطى ،فى ايه قلقتينى فرح وهى تمسح دموعها _نغم متتأخرين هلبس على ما تيجى بسرعه بقا نغم_طيب ،فهمينى فى ايه مش هفضل قلقانه طول الطريق فرح وقد عادت الى البكاء_ اتخانقت انا ويامن نغم_ فرح يا حبيبتي ،ده شىء عادى الاخوات ياما بيتخانقوا وبعدين بيرجعوا عادى لم ترد عليها فرح،نغم_طب خلاص اهدى يافرح عشر دقايق وهكون عندك ارتدت فرح ملابسها وحجابها وذهبت الى امها تخبرها انها سوف تخرج مع صديقها نغم للتنزهه قليلا *** تجهزت نغم وهبطت درجات الفيلا قاصدة سيارتها لتستقلها وتذهب لفرح _رايحه فين ،اخيرا هتخرجى من الصومعه اللى حابسه نفسك فيها نغم باستغراب_صومعه شهاب_من يوم ما لبستى البتاع اللى راسك ده وانتى مبقتيش تخرجى مع اصحابك زى الاول ،وكمان شويه هتفضلى تقولى ده حرام وده مش عارف ايه لم تصدق نغم ما تسمعه فقالت _اللى على راسى ده مسموش بتاع ده اسمه حجاب،ومش انا اللي.بقول حرام وحلال،دى اوامر ربنا واحنا علينا طاعه ربنا سبحانه وتعالى،عارف ربنا ولا مش عارفه يا ..استاذ شهاب شهاب_اوف انا اللى جبته لنفسى ،اسمعى اعملى اللى انتى عايزاه،بس اوعى فى يوم من الايام تفكيرك المتخلف ده يضر عيلتنا انتى فاهمه كانت نغم تعرف ان الجدال مع اخيها سيكون عقيما لن يجدى نفعا فآثرت الصمت وركبت سيارتها وذهبت الى بيت فرح **** يامن _معاك حق انا فعلا ،مش متخيل فكرة أن حد يجى بكل بساطه ياخد فرح منى ،فرح دى كل حياتى بخاف عليها من الهوا يا حازم،بس ده ميمنعش أن اللى عمله ده عصبنى ،كان بامكانه يقف بعيد نسبيا مش لازق كده جنب امه حازم_جايز كان امه اللى ورطته وندت على فرح من غير ما يعرف فاجئته يعنى ومعرفش يتصرف يامن_مالك ياحازم بتدافع عنه كده ليه حازم_مش بدافع ولا حاجه ،خلاص بقى يا يامن الموضوع مش مستدعى انك تكبره اكتر من كده ***** وصلت نغم واخذت فرح حيث اوصتها امها بان لا تتأخر وان تهتميا بنفسيهما وصلت الفتاتان الى مكان يطل على النيل ،جلستا على المقعد الموجود بجانب الطريق ويطل على النيل فرح بحزن _انا مش مصدقه يامن يعاملنى بالطريقه دى نغم_معلش يافرح ،تلاقيه غيران عليكى بس ،مش قصده يزعلك فرح باختناق_عمره ما عاملنى بالطريقه دى ،وكمان انا مغلطتش ،امال لو غلط كان هيعمل فيا ايه ، نغم_متزعليش ياحبيبتى،ان شاء الله لما يهدى هيجى بنفسه يصالحك ،خلاص بقا فرح_تفتكرى يانغم،انا مش متحمله زعله منى ابدا نغم_اكيد طبعا ،انا مشفتش اخ بيعامل اخته زى ما يامن بيعاملك ،يامن بيحبك جدا يا فرح ومش هيتحمل انه زعلك وهيصالحك فى أقرب وقت ،امسحى دموعك دى بقا هروح اجيب لك حاجه تهديكى ،ثوانى وراجعه مش هتأخر ياحبيبتى احست فرح بالاختناق فقامت من مقعدها رغبه فى استنشاق هواء نقي بجوار النيل الى أن تعود نغم كان يقود سيارته وينظر فى مكان بحثا عنها ،الفتاه التى نالت من كبريائه وغروره الفتاه التى تؤرق نومه كل ليله والتى يبحث عنها حتى فى احلامه،الى أن وجد فتاة تشبهها الى حد كبير تقف عند النيل ،لم يكد يصدق عينيه لذا فرك عينيه ظنا انه يتوهم ،وبعد أن فتح عينيه مرة اخرى لم يعد يراها ،كان أن يصاب بالجنون ،نزل من سيارته باقصى سرعه يبحث عنها بالجوار ..وقفت امام النيل تستنشق نسيمه العليل وتنظر اليه فى حزن وكأنها تشكوه وجدت من يقف جوارها _عجبك النيل ؟!! ،صدقى منظر جميل اوى ،بس تفتكرى لو اشتلتك ورميتك فيه دلوقتي هيجرالك ايه , نظرت الى جوارها لهذا المجنون الذى يتحدث وجدته لا ينظر اليها فقالت وهى تبتعد_مم مجنون ده ولا ايه امجد وقد اعاد النظر اليها_ممم لا الخطه دى مش هينفع كده ممكن تموتى علطول وانا عايز اموتك بالبطىء استدارت الى حيث مصدر الصوت وقالت فى دهشه_انت بتكلمنى امجد باستخفاف _ايه ياحلوة انتى نسيتينى ولا ايه فرح_انا معرفكش اصلا علشان انساك وهمت بالرحيل امجد بحدة وهو يقف امامها يمنعها من الذهاب قائلا بنبرة اخافتها_انا بقى منستكيش ولا لحظه منستش البنت اللى اتجرئت ومدت ايديها عليا وخدتنى على خوانه ،وهدفعك تمن ده كويس اوى هنا تذكرته فرح جيدا ولكنها علمت انه لم يمر الامر مرور الكرام لذا جاهدت أن تخفى خوفها _اولا،انت غلطت وكان لازم تتعاقب على سوء ادبك مع اخويا ثانيا_لا انت ولا عشرة زيك هيخوفونى ،فاهم ثم نظرت له شزرا وتقدمت خطورة لتذهب من امامه امسكها امجد من ذراعها ليمنعها من الذهاب _لا انتى اتعديتى حدودك معايا ،انتى مش عارفه انا مين فرح بحدة وهى تفلت يدها من قبضته _سيب ايدى يا حيوان ،انت مجرد واحد مريض مغرور امجد بغضب_ انا اول مرة اشوف واحدة تتحدانى كده ،كل البنات بتتمنى بس انى ابص ليهم مش بس اتكلم معاهم فرح _وانا بقى مش زى البنات دى وبحذرك لو اعترضت طريقى تانى مش هيحصل كويس امجد وهو يضحك_ هههه لا بجد ضحكتينى،،ياحلوة اللى المفروض اللى يخاف هوا انتى ،خافى منى لانى مش هرحمك ،خلاص حطيتك فى دماغى واللى بحطه فى دماغى بطيره تراجعت فرح للخلف ثم جرت باقصى سرعه فى الاتجاه الذى ذهبت فيه نغم ضحك امجد كثيرا _هههه مفكرة انها هتهرب منى ،ثم أشار لاحد رجاله _عايز اصل وفصل البت دى ،كل حاجه عنها مفهوم _مفهوم يا امجد باشا _حلو اوى لقيت حاجه اتسلى بيها بدل الملل ده **** نغم_فرح ،مالك انتى كنتى بتجرى فرح وهى تلهث بقوة وتنظر ورائها_اه ،يلا نمشى من هنا نغم بقلق_فى ايه ،انتى كويسه يافرح فرح _ اه اه كويسه ارجوكى يا نغم عايزة اروح نغم_طيب كنتى بتجرى ليه ،حد ضايقك هبقى احكيلك يا نغم بعدين يلا نمشى من هنا ارجوكى نغم _اوك اركبى يلا ،بس خدى العصير الفريش ده هيروق دمك ***** ايهاب_مالك يا كارم صوتك مش عاجبني كارم _انا خلاص هنفجر من الزفت امجد ده ،بجد مبقتش طايقه ولد مستهتر جدا ،وقال ايه مش عايز يمسك الشركه ،انا اللى جبته لنفسى ،انا اللى غلطان ايهاب _انا فضلت اقولك شد عليه شويه وانت تقولى بكرا يعقل ،اهو انت مبقتش قادر تتحكم فيه كارم_انا بكلمك علشان تفضل تقولى كده ايهاب_خلاص يا كارم كلها شهر وادهم يخلص امتحانات وننزل ،مش مشكله حلا تكمل دراستها فى مصر،انت عارف امجد بيحب ادهم قد ايه يمكن يقدر يعقله كارم_اعمل اللى انت عايزه انا خلاص فقدت الامل فيه ،ياريتى ما كنت ... ايهاب_ياريتك ما كنت ايه؟! كارم_متشغلش بالك ،انا هقفل لانى تعبان ،سلام ايهاب_كل حاجه هتتصلح يا كارم متزعلش نفسك ***** يامن_ماما ،فرح فين احسان_خرجت مع نغم وزمانهم جايين يامن_خرجت ،ازاى من غير ما تقولى احسان وهى تجلس على ماكينه الخياطه _اختك استأذنت منى يا يامن ،بعدين حسيتها مخنوقه علشان كده سبتها تخرج تفك عن نفسها شويه يامن_مكانتش بتروح اى مكان من غير ما تقولى ياماما،حتى لو كانت مستأذنه من حضرتك ثم قال فى نفسه_الظاهر انها زعلانه بجد ،اوف غبى يا يامن دق جرس الباب احسان _شوف مين يا يامن اكيد اختك رجعت فتح يامن الباب وجدها فرح ومعها نغم لم يستطع يامن الحديث معها بوجود نغم لذا فتح لهم_حمدا لله على السلامه ودخل الى غرفته على الفور شعر فرح بالالم كثيرا لتجاهله اياها ،احست بها نغم فرتبت على كتفها _معلش يافرح ،هيروق لوحده فرح فى نفسها _امال لو عرف الموقف اللى حصل على النيل ،هيعمل ايه ،كده هيخاصمنى طول العمر ،لذا اثرت الا تخبره شيئا وايضا لانها تعرف انه اذا علم لن يسكت ابدا وهى لا تريد له المشاكل نغم_انا همشى انا يافرح ،كمان شويه هرن عليكى اطمن ماشى؟! **** حلا_انا مش مصدقه ،اخييييرا بابا هينزلنا مصر ،ياااس ادهم_مش فاهم مبسوطه على ايه ،مصر عاديه يعنى ،هنا افضل مليون مرة فى كل حاجه حلا_دى مصر يابنى بلدك انت مفيش عندك انتماء ولا ايه ،مهما كان دى بلدنا اللى اتولدنا فيها ،،انت متعرفش كان نفسى انزل مصر قد ايه ادهم_الحاجه الوحيدة اللى مصبرانى انى نازل هى امجد ،بابا بيقول انه متدمر تماما حلاوهى تلوى فمها _ياباااى مبحبوش خالص امجد ده ،واد سمج اوى ،مش عارفه انت مصاحبه على ايه ادهم بحدة_حلا ،اتكلمى كويس عن ابن عمك ،مفهوم حلا_خلاص اشبع بيه ،هوا انا غلطت فى حاجه مهمه ادهم _حلا حلا_ماشى يا ادهم هسكت ،اهو انكتمت ،كدا كويس ووضعت يدها على فمها ضحك ادهم على حركتها الطفوليه _طفلة حلا_مين دى اللى طفله يا سى ادهم ،اه من حق ،انت لسه على علاقه بصاحبك اللى من مصر ده ادهم_اه ،بتسالى ليه حلا _اصل بصراحه من يوم ما اتعرفت عليه فى اخر زيارة لينا فى مصر وانت اتغيرت معاملتك ليا ،انا بجد مدينه ليه كتير جدا ادهم_انسان طيب جدا ،علمنى ازاى ،ان الاخ مش علشان يفرد عضلاته على اخته ويقولها اعملى وجيبى وكده ،علمنى ان الاخ سند وحمايه ودعم لاخته حلا_بس انت لسه بتفرد عضلاتك يا سى ادهم لوى ادهم ذراع حلا_هوا ده الحب يا عبيطه،كل لما اضربك يعنى بحبك حلا_ياسلام،طب احنا نازلين مصر ،وهقوله انك بتضربنى ادهم وهو يضحك_لو شافك اصلا بمنظرك ده هيولع فيكى وفيا حلا بخضه وهى تنظر للمرآة _ايه ؟!ماله شكلى ،وشى طلع له حبوب ،فى ايه يا ادهم ؟!ما انا كيوت اهو ادهم وهو يلوى شفتيه _حلا مامى بتنادى عليكى ياحبيبتى روحيلها حلا _ادهم ،انت لسه مقلتليش صاحبك هيولع فيا ليه ادهم_البنت دى مجنونه بجد ***** كانت فرح تجلس فى غرفتها تفكر فى امجد ،كانت تخشى أن يعترض طريقها مرة اخرى ،ترى ماذا تفعل يبدو انه ذو نفوذ وقد يؤذى عيلتها ،هى لا تخشى على نفسها ولكن كان شاغلها الاكبر اخيها يامن ، قطع تفكيرها صوت طرقات الباب ،علمت انه هو الطارق ،فطارت من الفرحه ،لكنها حاولت ان تمثل انها لا تريد الحديث معه يامن_ فرح لا رد يامن_فرح انا اسف،سامحينى ،مكنتش اقصد ازعلك لا رد وهى بداخلها تكاد تقفز من الفرحه _فرح ،انا عارف انى غلطان وزوتها كمان ،بس انتى عارفه انى بحبك يافرحه قلبى ،مش هتسامحى اخوكى حبيبك لاحظ يامن ابتسامه خافته تجاهد فى إخفائها فعلم خطتها _طيب خلاص انتى حرة ،انا ماشى ومفيش كلام بينا خلاص استدارت فرح بسرعه_يااامن تبسم يامن_ طالما انتى مش قد التمثيل بتمثلى ليه فرح بضحك _هوا انا كنت مكشوفه اوى كده يامن وهو يقبل جبين اخته _حقك عليا يا فرح فرح وهى تهز راسها_لا خلاص انا مش زعلانه ،ربنا يباركلى فيك يا يامن **** فى الهاتف _ عظيم ،عظيم ،ماشى اى جديد بلغنى علطول شهاب_شكلك مبسوط يا فيومى باشا _ قولت لك بص واتعلم ،شركه شرف الدين،خلاص بخ ،كلها كم شهر وتعلن إفلاسها اتسعت ابتسامه شهاب وقال بشماتة _هه يبقى يورينى هيتكبر ويترسم عليا ازاى _لا ،زى ما انت اوعى تخسر صداقه امجد دلوقتى ،مفهوم شهاب على مضض_ماشى يافيومى باشا اهدتنى_معاقا بارت١٣&١٤ على_امانى انتى بعملى ايه امانى _زى ما انت شايف بلم هدومى وماشيه على_انا حصل منى حاجه زعلتلك امانى ببكاء_هسيب المكان للعروسه الجديده ادرك على انها استمعت لحديث امه على بخبث_ يخص عليكى بتفرطى فيا بسهوله كده بدل ما تحاربى الدنيا كلها علشان جوزك يكون ليكى لوحدك امانى_انا معنديش استعداد اهين نفسى وكرامتى بالشكل ده،عن اذنك ،ومبروك يا عريس على_امانى استنى عريس ايه بس ،يابنتى والله ما فى القلب غيرك(براوة ياعلى ) امانى _بجد ياعلى يعنى مش هتسمع كلام مامتك وتتجوز عليا على باسف_ربنا امرنا بطاعه الوالدين،بحاول ارضيها باى شكل ،لكن مش هسمح ابدا انى اهدم بيتى واخسرك يا امانى،ادعيلها ربنا يهديها فرحت امانى كثيرا وقامت باعادة ملابسها الى الدولاب على بمزاح_لما تيجى تسمعى اسمعى الكلام لاخره يا مدام امانى_والله ما كان قصدى انى اسمع بتقولوا ايه، كنت نازلة بالصدفه على بحب_عارف يا امانى ،متزعليش من امى لو قالت حاجه ضايقتك ،حقك عليا انا **** تذكرت انه قد امسك يديها بدون وجه حق،فشعرت بدمائنا تغلى من الغيظ اخذت تستغفر ربها كثيرا ، _انسان وقح، حسبى الله ونعم الوكيل ***** فى الصباح خرجت فرح بصحبة اخيها الى الجامعه وهى تظن انه لن يعرف مكانها ،تمنت أن يمر اليوم بسلام لم تبرح مكانها فى المدرج الى أن يأتى اخيها لاصطحابها فى المنزل نغم _فرح ،تعالى نجيب اكل ،انا لسه مفطرتش توترت فرح_ها ،لا اطلبى من البنات اللى رايحين يجيبوا لنا معاهم نغم _طب اروح انا ؟! فرح _لا خليكى معايا ،، نغم_فرح انتى خايفه من ايه ،خوفك ده له علاقه بجرى امبارح صح اهزت فرح رأسها بمعنى نعم نغم _احكيلى فى ايه فرح_كان فى زمان ايام ثانوى ،ولد اتعرض ليامن اخويا هوا واصحابه فانا ساعتها ضربه بالقلم نغم_ها كملى فرح _لقيت نفس الشاب ده امبارح ،وبيهددنى انه مش هيسيبنى فى حالى ،وانه طول الفترة دى بيدور عليا علشان يرد لى القلم ده اضعاف نغم بغضب_ايه الانسان المتخلف ده ،بقاله اربع سنين بيدور عليكى لا وكمان هو اللى غلطان فى اخوكى ،يا بجاحته فرح _يامن يومها اول ماشافه قال انه مش سهل علشان كده اخدنى بسرعه ومشينا،فعلا طلع مش سهل ،خايفه يحطنى فى دماغه انا مش عايزة مشاكل لبابا وليامن نغم_ متخافيش ،لو اتعرضلك تانى قوليلى وانا هكلم شهاب مع انى مبحبش ادخل شهاب فى اى شىء خاص بيا ،بس الموضوع ده مش هيحله الا حد زيه **** _اتفضل يا امجد باشا دى المعلومات اللى طبتها اسر_معلومات ايه يا امجد قرأ امجد كل محتوى الملف الذى يخص فرح _ممم اسمها فرح،مم اسم مش بطال اسر_امجد ،فرح مين دى اللى انت عايز معلومات عنها ،اوعى تقولى انها البنت اللى علمت عليك من زمان امجد_ هيه بعينها ،ثم اكمل بشر ،واخيرا لقيتها وبصراحه انا مورييش غيرها ،حظها وحش انها وقعت تحت ايدى اسر_يا عم سيبك منها ،مش فاهم حاططها فى دماغك ليه بس امجد بغضب_متخلقش اللى يعلم عليا ،والبت دى شايفه نفسها على ايه مش عارف ،ان ما كسرتها وخليت عينيها فى الارض مبقاش انا امجد شرف الدين اسر_مفيش فايده فيك عاود امجد النظر فى ملف معلومات فرح ****** فى اليوم التالى ذهب امجد الى حيث كليه فرح وقف يراقبها من بعيد امجد - يا باى يا نغم ابعدى عنها شويه ،مش هعرف اكلمها وانتى واقفه اخرج هاتفه-شهاب كلم اختك اشغلها باى حاجه شويه -ليه ياامجد -معطله الدنيا ،عايز صاحبتها وهيه لازقه ليها مش بتفارقها شهاب بخبث-اه قولتيلى بقا ،هنياله ياعم ،عيونى هفضيلك سكه ***** كانت نغم تجلس مع فرح تراجعان بعض الاوراق معا فالامتحانات على الابواب نغم-شهاب بيتصل غريبه ،اول مرة يعبرنى ،اكيد مش عايز يطمن عليا فرح-طيب شوفيه عايز ايه ،يمكن حاجه ضروري نغم-لا كبرى ،هيكون عايز ايه يعنى لم ترد نغم على الاتصال ولكنه عاود الاتصال مرة اخرى نغم_الظاهر فى حاجه مهمه،ايوة ياشهاب _تعالى الفيلا ضرورى يا نغم _انا فى الجامعه ياشهاب مش فاضيه _عارف انك فى النيلة الجامعه تعالى حالا ثم انهى الاتصال نغم_فرح هروح اشوف فى ايه فى الفيلا ،شهاب قفل من غير ما يقول فى ايه ،قلقنى،ربنا يستر فرح_ان شاء الله مفيش حاجه ،ماشى روحى وانا هسجل كل حاجه متقلقيش ،بس ابقى كلمينى طمنينى عليكى نغم وهى تهم بالرحيل_اوك سلام *** شاهد امجد نغم تمشى بعيدا _برافو عليك يا شهاب تقدم اليها وبداخله سعاده كبيرة وقف خلفها وهمس بجانب اذنها _وحشتينى ياحلوة شهقت فرح وقامت من مكانها فزعا نظرت خلفها وجدته اماما بسماجته التى لا حدود لها،نظرت له بغضب شديد _انت ازاى تتجرأ وتقرب منى بالشكل ده ،انت انسان وقح بجد _ها وايه كمان زودى من رصيد عقوبتك _انت ايه يااخى ،اسمع لو مش مشيت من هنا ،هبلغ عنك ادارة الجامعه _هاهاها ،خدى الموبايل عندك اهو،محدش يقدر يعملى حاجه،تحبى اكلمه بنفسى زفرت فرح بضيق_ممكن اعرف انت عايز ايه دلوقتى ،اعمل ايه علشان تسيبنى فى حالى _اعتذرى _افندم،ده من سابع المستحيلات انى اتعتذر لواحد زيك ،وبعدين انت اللى غلطت فى اخويا ،انا واقفه معاك ليه اصلا ،وهمت بالرحيل _خليكى فاكرة انك لو معتذرتيش ،هترجعى تندمى _اعلى ما فى خيلك اركبه _يعنى مش خايفه منى _انا مش بخاف غير من اللى خلقنى اعجب امجد بفرح كثيرا فهى تختلف عن الفتيات التى يعرفهم ،لكنه احب ان يحطم كبرياءها _طيب خليكى فاكرة انك اللى بداتى ، _ولا يهمنى _ولا حتى المعاق بتاعك خايفه عليه فزعت فرح_يامن ،ثم قالت بشراسه_يامن مش معاق ،المعاق ده انت و اخلاقك ،يامن افضل من مليون واحد من عينتك جلس على المقعد باريحيه واخذ يقلب فى دفترها،رفع حاجبه فى اعجاب _مش بطال ،منظمه وخطك ممتاز فرح بحدة وهى تنزع دفترها من بين يديه_مين سمح لك تمسك دفترى لم يسمح لها امجد باخذه وظل ممسكا به هى تشد وهو متمسك به ثم نظر الى عينيها بتحدى ،لوهلة سرح فى عينيها لما لها بريق يجذبه ،احسن انه ينظر فى عينيه فى المرآة فلقد كانت متطابقه تماما فاق من شروده هذا بعد ان اخذت فرح الدفتر ورحلت وجدها تدخل الى داخل المدرج وكأن شىء لم يحدث ابتسم امجد فى تسليه _راجعلك بكرة يا..يافرح *** فرح_استغفر الله العظيم،يارب ينجينى منه يارب نغم_فرح انا راجعه فى الطريق ،المحاضرة بدأت ؟! فرح_ اه بدأت ،تعالى بسرعه نغم_اوك سلام بعد المحاضرة نغم_حاجه فاتتنى يافرح ،انتى مش مركزة خالص فى المحاضرة ،لا وكنتى هتسجلى كل حاجه لحد ما ارجع فرح بتنهيده _قوليلى اول عملتى ايه ف الفيلا نغم بضيق_ولا حاجه الاستاذ شهاب بيشتغلنى ما نابنى الا بهدلة الطريق فرح بشرود_الشاب اللى حكيت لك عنه،جه تانى النهارده شكله مش هيسيبى فى حالى يانغم نغم_استغفر الله العظيم، ده شكله فاضى بقى فرح_ساعات بحسه انه بيتسلى وساعات بحس انه جد وفعلا عايز يأذينى ،النهارده قالى مش خايفه على اخوكى ،خايفه يأذيه بجد يانغم نغم_تعرفى اسمه ايه واحنا هكلم شهاب رغم انى مش طايقاه بعد المقلب اللى عمله فيا فرح_مش عارفه ،معرفش عنه حاجه ،حاساه انه ابن حد واصل فى البلد ومش بيهمه حد ،بس فيه حاجه غريبه نغم_غريبه؟!! فرح بشرود_ معرفش حاجه شدتنى ليه يانغم ،عادت فرح الى وعيها_استغفر الله العظيم ،ايه اللى انا بقوله ده نغم_انتى ابتديتى تحسى بحاجه ناحيته ولا ايه ؟! فرح بصدمه_لا طبعا ،انا افكر فى انسان متخلف زى ده ،استحالة *** فى بيت يامن وعلى طاولة الطعام محمود_فى عريس متقدم لفرح سعدت احسان كثيرا فهذا اليوم الذى تنتظره كل ام ترك يامن ملعقته وكذلك فرح _انا ،،انا شبعت عن اذنكم محمود_استنى يابنتى ،انا عايزك تسمعى اللى هقوله جلست فرح ثانيه وهى خجلة جدا وتوردت وجنتاها احسان_حد نعرفه يا ابو يامن محمود_ايوة اظنك تعرفى امه ،ساكنين فى الشارع اللى ورانا ،فاتحين مخبز احسان_اه عرفتها ،الست زهرة ،دول ناس كويسين وفى حالهم محمود_ابنها بردو كويس مسمعتش عنه حاجه وحشه ،وكمان هسال عليه اكتر ،ايه رايك يا يامن يامن وهو ينظر لفرح_اسمه حسن تقريبا محمود_ايوة ،حسن ابو النجا ،بيشتغل مدرس فى مدرسه فى بلد جنبنا يامن_هسال عليه يا بابا **** فى غرفه فرح يامن_انتى هتوافقى على حسن ده فرح_هوافق ازاى وانا معرفوش _فاكرة الست اللى وقفتك فى الشارع ومعاها ابنها ،ثم اكمل بامتعاض_اهو ده بقا حسن _معقولة _شوفتى ،الظاهر كانت لعبة علشان يشوفك ويجى يتقدم تحرجت فرح _شكلك موافقه _موافقه على ايه،انا مش عارفاه _عايزة تفهمينى ،انه معجبكيش _يامن،انا مشفتهوش ،يعنى واحد واقف وبس، مبصتش فى وشه،صدقنى معرفش ملامحه حتى تبسم يامن_برافو عليكى ،هيه دى فرح اللى انا مربيها تبسمت فرح_ياسلام ،انت شكلك مش موافق يا يامن يامن بابتسامه_لو سألتينى رايى فى ده او غيره هقولك مش موافق،صدقينى مش سهل عليا ابدا ،الاقى حد بسهولة كده يأخدك منى فرح بتأثر _يا حبيبى يا يامن، خلاص مش هوافق،وهفضل هنا معاك نرخم على بعض يامن وهو يضربها على رأسها بمزاج_انتى هبله يابنتى ،عايزة ماما تطردنى مش البيت ،دى سنة الحياة،دلوقتى او بعدين مسيرك هتتجوزى ان شاء الله انا هسيب الموضوع ده لبابا لو وافق وانتى شوفتيه وعجبك ،يبقى على خيرة الله **** _نغم اتاخرتى ليه المحاضرة هتبدأ _العربيه عطلت فى الطريق يافرح ،بحاول فيها ،هشوف لو معرفتش هكلم حد ياخدها تتصلح واجى بتاكسى وخلاص _ماشى ياحبيبتى ،خدى بالك من نفسك _ههه ايه رايك فى المفاجئة دى ،،عطلت عربيه صاحبتك،علشان اعرف اخد راحتى معاكى فرح بصدمه_انت ،انت ايه حرام عليك بقا،انا زهقت _ياااه متتصوريش سعادتى قد ايه ،،مش هسيبك غير لما ازهق انا كمان ،صراحه كده مش هزهق ،غير لما اعاقبك الاول فرح بنفاذ صبر وبصوت مرتفع_انا اهو قدامك ،اضربنى زى ما ضربتك ونبقى خالصين ،،ده لو انت مطلعتش راجل ومديت ايدك على بنت عادى امسكها امجد من فكها بقوة آلمتها_صوتك ميعلاش عليا، انا راجل غصب عنك ولا تحبى اوريكى ازاحت فرح يده بقوة لم تعرف من اين جاءت _ابعد ايدك يا حيوان وصفعته على وجهه للمرة الثانيه وهى تقول_الظاهر انك متربتش ومحتاج اللى يربيك من اول وجديد صدم من فعلتها وجرأتها الشديده هذه ،فلقد تمكنت منه للمرة الثانيه وامام الطلبة امسكها من رسغها _اوعى تكونى مفكرة انى هعدى اللى عملتيه بالساهل،هدفعك تمنه غالى اوى اوعى كده سيب ايدى يامتخلف انت الظاهر محتاج القلم الثالث امجد بشر_ماشى يافرح ،ان ما خليتك تجينى بنفسك علشان ارحمك مبقاش انا امجد عندما رأته سقطت حقيبتها رغما عنها ووقفت مصدومه من طلته فلقد اشتاقت له حقا ،لكن مهلا هل هو نفس الشاب الذى يضايق فرح _لاااا ،،،،امجد تجاهلها امجد تماما وظل يحدق فرح بنظرات انتقام وفرح تنظر اليه بنفور واشمئزاز وغضب وتحدى فى آن واحد نغم_امجد ،،انت....ليه فرح دى ص... امجد مقاطعا_سلام يا نغم ذهب الى سيارته وفتح باباها ثم اخرج هاتفهه من جيب بنطاله الزيتونى اللون _الواد المعاق ده ،خلص عليه ،حالا،ثم اغلق الخط وركب سيارته وقادها بسرعه جنونيه ***** نغم تقف مصدومه ،لم تستطع اخبار فرح ان هذا هو امجد الشاب الذى اعجبت به ولا زالت ،لم تستطع اخبارها انه هو نفسه من يتربص بها اقتربت منها_فرح انتى كويسه عملك حاجه فرح ببكاء_مبقتش قادرة اتحمل ،زودها اوى،لولا انى خايفه على اهلى كنت اتصرفت تصرف تانى خالص نغم_انا هروحله وهتكلم معاه ،امجد مش بيحب حد يعاند قدامه ،لو كلمك تانى اظهرى له انك خايفه ومستسلمه وهو هيزهق ويمشى فرح وهى تمسح دموعها _وانتى تعرفيه منين نغم بارتباك _هو فى حد ميعرفش امجد كارم فرح بغضب _ربنا ياخده ونرتاح من شره ،اهى المحاضرة راحت مننا،اساسا مكنتش هفهم حاجه ،استغفر الله العظيم نغم_تعالى نقعد فى مكان هادى لحد ما تهدى ____ _انتوا مين وعايزين ايه وقف اشباه الرجال ومعهم الشوم والعصى ينظرون الى يامن بسخرية وشر _جايين علشان نخلص عليك وقف حازم امامهم بقوة ليحمى صديقه بكل ما اوتى من قوة وهو ممسكا بهاتفه ليضغط على زر الاتصال ،ليجيب على الجانب الاخر الذى استمع لما يقوله حازم _ ورونى ازاى هتتخطونى الاول _ابعد انت علشان متتأذاش احنا عايزينه هوا _قربوا منه بس وانتوا تشوفوا اللى هيحصل لكم يامن بخوف على صديقه _حازم ابعد عنهم ،انتى كده هتتأذى انت كمان حازم وهو يرجع يامن للخلف_مش هسمح لهم بمس شعرك منك كان يسمع ما يدور كور قبضته بغضب شديد واغلق الخط سريعا _يبقى انت الجانى على روحك ،ضربه احدهم ضربة قويه اردته ارضا لا يشعر بما يدور حوله ،فقد نظر الى يامن وهم يتكاثرون عليه ويبرحونه ضربا وسط صرخات يامن بالم وهو ينظر الى عينى حازم بخوف، قبل أن يغلقهما حازم وهو يقول_ انا اسف يا يامن انهالوا علي يامن ضربا بالشوم التى فى ايديهم كما جاءتهم الاوامر ،لم يستطع احد من الطلبه الاقتراب خوفا من أن يصيبهم ما اصاب حازم ويامن كاد احدهم أن يوجه ضربه قاضيه الى يامن ،لكنهم فروا هاربين عندما رأوه امامهم كيف لا وهو الرعد بعينه ،يخشاه كل من يراه لحضوره المهيب تحامل رعد على نفسه فهو اراد أن يفتك بهؤلاء الرعاع لكنه كان لزاما عليه أن يلحق ذلك المسكين قبل أن تسوء حالته اكثر،كور قبضه يده فى غضب من انه لن يستطع الحاق بهم وتلقينهم درسا ،حمل يامن الى سيارته وكذلك فعل بحازم وذهب الى المشفى سريعاحيث يعمل صديق عمره ورفيق دربه لؤى (اه ياشباب ده رعد ولؤى ،،من رواية همسه امل ،هما اللى انقذوا يامن من البلطجيه دول) رعد _لؤى قابلنى بسرعه عند مدخل المستشفى معايا حازم وصاحبه متبهدلين قابله لؤى عند المدخل ،وعاون رعد فى حمل يامن الى الترولى بنفسه ومن ثم حملوا حازم الى الترولى الاخر رعد_بسرعه يا لؤى مازن فين لؤى وهو يجرى سريعا ليدخلهم الى غرفه الكشف_ايه اللى حصل ،وانت كنت فين رعد بغضب يحاول التحكم به قائلا وهو يضغط على اسنانه_بلطجيه للاسف مكانش قدامى خيار غير انى الحق حازم وصاحبه لؤى للممرضه_شوفى دكتور مازن فين وناديه بسرعه على غرفه العمليات انتظر الرعد بالخارج الى أن ينتهوا من إسعافهم بالداخل وجدهم يخرجون حازم وقد استيقظ لكن رأسه محاط بضماد رعد _حازم ،حمدا لله على السلامه،كدا يابطل تقلقنا عليك حازم بالم وخوف_اسف ياعمى ،يامن فين ؟! رعد وهو يعدل وضعيه حازم على الفراش _لسه جوا يا حازم ،متقلقش أن شاء الله خير ،مين دول وايه اللى خلاك تشتبك معاهم حازم_معرفش مين دول فجأءة ظهروا قدامنا ،بس شكلهم كانوا قاصدين يامن ،جايين ليه مخصوص رعد وهو يضرب الحائط بيده _الكلاب فلتوا من ايدي حاول حازم الوقوف_انا عايز اطمن على يامن ارجوك يا عمى استجاب رعد لطلبه فلقد رأى فى عينيه لهفته على صديقه فاسنده على كتفه وذهبوا مرة اخرى بجوار غرفه العمليات بانتظار خروج يامن رعد_مازن ،يامن اخباره ايه حازم بخوف شديد_عمى ارجوك ،قولى ان يامن بخير (للتذكير،رعد زوج نور ،لؤى زوج همسه،مازن زوج ريم ,,حازم بن زياد ابن عم لؤى ورعد و زوج زينه ،،فهمتوا حاجه) مازن_ان شاء الله هيكون كويس ،ماشاء الله الولد قوى جسمه قدر يتحمل الضربات كلها من غير ما يتأذا بشكل كبير تنهد رعد وكذلك حازم _الحمد لله حازم _طيب هوا فين مش بيخرج ليه مازن _لؤى معاه وهيخرج بيه خلال دقايق،انا خرجت اطمنكم بس بعد عدة دقائق خرج لؤى وخلفه يامن النائم على الترولى ورأسه محاط بالكامل بالضماد وكذلك يده وبعض الاماكن فى جسده ويبدو انه لم يفق بعد من تأثير المخدر اقترب منه حازم ببكاء_يامن قوم ،تحمل يابطل ،منهم لله انت متستاهلش اللى حصلك لؤى وهو يربت على كتف حازم_ان شاء الله هيقوم ،انا مشفتش حد بقوته دى ،ربنا يبارك فيه ،حد غيره كان زمانه متكسر تماما ،بس هوا كان عنده مشكله فى أيده ورجله مش كده حازم باسف_اه ياعمى ،للاسف وبسبب ده يامن اتعرض للسخريه والاهانه كتير فى حياته ،يامن انسان طيب جدا ميستاهلش اللى حصله ده لؤى_علشان كده ربنا نجاه منها رعد_يعنى هيقدر يقوم على رجليه تانى لؤى بتفاؤل_ان شاء الله حازم _الحمد لله الحمد الله ، ثم وجه حديثه لرعد:شكرا يا عمى،انى ازعجت حضرتك رعد لحازم_ازعاج ايه بس يا ولد ،اه لو كنت لحقتهم ، لو عرفت اى حاجه على الكلاب دول بلغنى علطول، حازم _حاضر ثم وجه رعدحديثه الى مازن ولؤى_انا همشى انا علشان اتأخرت على الشركه ، مازن _تمام يارعد متقلقش الممرضه_دى الحاجات اللى جات مع المريض والتلفون بتاعه مبطلش رن **** فرح بقلق جلى_رد يا يامن متقلقنيش عليك اكتر من كده نغم_يمكن لسه فى المحاضرة وعامله سايلنت مش سامعه فرح _لا انا عارفه الجدول بتاعه ،المفروض يكون خلص من بدرى ،ربنا يستر،انا خايفه اوى يا نغم نغم _ان شاء الله خير ،متقلقيش فرح _رد اخيرا،،ايوة يا يامن ،انت فين ومش بترد عليا ليه كل ده حازم_انا حازم ،يا فرح فرح بخوف ويدها ترتعش _ح..حازم ،يامن فين حازم باسف وخائف من وقع الصدمه عليها_ فرح يامن كويس اطمنى ،هوا بس تعب شويه وفى المستشفى،،فرح ،،انسه فرح ردى عليا لم تستطع فرح الرد عليها لانها كانت قد فقدت الوعى عندما علمت أن مكروها اصاب اخيها امسكت نغم الهاتف_انا نغم صاحبتها ،ارجوك قولى فى ايه خلاها يغمى عليها كده حازم _لا حول ولا قوه الا بالله ،يامن فى مستشفى ....،ارجوكى خليكى معاها نغم _ متقلقش ،هفوقها ونيجى علطول نغم وهى تضع البرفيوم لفرح الفت الفتيات حولها _فرح ايه اللى حصلها _يابنات ابعدوا علشان النفس بس نغم وهى تقرب البرفيوم من انف فرح_فرح فوقى ،اخذت تربت على خدها بلطف _الحمد لله ابتدت تفوق نغم_،الحمد لله ،تماسكى يافرح صرخت فرح بقوة بعد أن استردت وعيها _ يااامن نغم وهى تهدئها _اهدى يا فرح ،تعالى يلا هنروحله المستشفى ،حازم بيقول انه كويس اطمنى قامت فرح مهرولة الى السيارة للاطمئنان على اخيها وهى تدعوا الله طوال الطريق أن يسلم اخيها من كل مكروه قادت نغم السيارة الى حيث عنوان المشفى الذى اعطاه لها حازم نغم_وصلنا ترجلت الفتاتان من السيارة ،هرولت فرح الى الداخل تسال عن اخيها نغم_استنى هكلم حازم تانى اساله فى اى اوضه اخبرها حازم برقم الغرفه وخرج بانتظارهم بالخارج لم تستطع فرح تمالك اعصابها عندنا وجدت حازم يقف بالخارج ورأسه محاطه بضمادة فرح ببكاء _يامن فين ،نظرت الى راس حازم وايه اللى حصل حازم _مفيش حاجه حادثه بسيطه متقلقيش ،يامن جوا بس لسه مفاقش من البنج دخلت فرح مسرعه الى غرفه يامن الغائب عن الوعى عندما رأته وضعت يدها على فمها من هول الصدمه واجهشت فى البكاء كانت جل ما تخشاه أن يؤثر ما حدث على قدمه فلا يستطيع المشى مجددا ظلت تردد_لا حول ولا قوة الا بالله مرارا وتكرارا حزنت نغم كثيرا على ما اصاب يامن واشفقت على صديقتها فرح _ ان شاء الله هيكون كويس حازم _انسه فرح ،ارجوكى اهدى ،الدكتور طمنا وقال انه هيبقى كويس،ادعيله بس فرح ببكاء _هوا فين الدكتور عايز اطمن منه بنفسى ،حاسه انك مخبى عليا حاجه حازم _صدقينى ،عامه هكلم الدكتور تساليه حازم_ دكتور لؤى اخت يامن صاحبى عايزة تتطمن على حالته ،،طيب تمام نظرت فرح له باستفهام حازم _الدكتور جاى ،خلال لحظات طرق دكتور لؤى باب الغرفة (وحشتنا يا دكتور والله ،،همسه امل اتعلقت بيها جدا) جرت فرح نحوه_دكتور ارجوك طمنى اخويا اخباره ايه،وهيقوم تانى على رجليه ؟!! لؤى بتواضعه المعهود_اطمنى يابنتى ،يامن ان شاء الله هيكون كويس،وباذن الله يقدر يمشى على رجليه ،الحمد لله مفيش كسور فى رجله فى ايده بس ،ودماغه اخدت كم غرزة الحمد لله انها جت على قد كده ،دعواتك ليه فرح وهى تتنفس الصعداء _الحمد لله يارب،متشكرة لحضرتك يا دكتور ،اسفه على الازعاج لؤى بابتسامة هادئة _ربنا يطمنك عليه فرح_امين،بس انا معرفتش ايه اللى حصل نظر لؤى الى حازم فههم حازم على الفور علم انه لايريد منه أن يعلمها بالحقيقه حازم_حادثه بسيطه أشار لؤى الى حازم ليتبعه للخارج لؤى_انا فى مكتبى لو احتجتوا لأى حاجه ،يامن دقائق وهيفوق وكم ساعه وهاجى امر عليه ،السلام عليكم نغم وفرح_وعليكم السلام خرج حازم مع عمه لؤى لؤى_انت هتفضل واقف هنا ميصحش تقف معاهم جوا حازم _بس يا عمى انا عايز اطمن على يامن لؤى _لما يفوق ادخله واخرج على طول ،وخليك برا علشان لو احتاجوا حاجه مفهوم حازم_مفهوم ياكتور *** فاق يامن اخيرا فرح بسعاده _يامن حمدا لله على سلامتك ،انا قلبى كان هيقف من الخضه عليك نغم_حمدا لله على سلامتك يا يامن خرجت نغم لتخبر حازم أن يامن افاق يامن بالم_انا فين ،،فرح انتى بتعملى ايه هنا ،ايه اللى حصل حازم بحب_حمدا لله على سلامتك يا صاحبى يامن بخوف_حازم انت كويس حازم_انا كويس وقدامك اهو ،شد حيلك انت يابطل وقوم يلا يامن بتذكر ما حدث،كاد التحدث الا أن حازم ،اقترب منه هامسا_فرح متعرفش حاجه عن اللى حصل ،بلاش نقلقهم ،انا برا لو احتجت حاجه يامن بضعف_شكرا لك يا حازم ،متحرمش منك يامن _فرح كلمى بابا طمنيه ،زمانهم قلقانين نغم_هروح اجيبهم ،واجى فرح _بس كده هنتعبك يا نغم يامن_بلاش تخليهم يجوا فرح _لازم هيجوا ،مش هيقدروا،يعرفوا وميجوش يطمنوا عليك ذهبت نغم لاحضار والدى يامن جاء محمود واحسان مهرولين ليطمئنوا على ابنهم الغالى ،كان حازم جالسا على المقعد خارج الغرفة،وقف عندما رأى محمود واحسان وعلى وجوههم القلق _حازم اطمن ياعمى يامن كويس ،اتفضل ادخله احسان ببكاء فشلت فى كبته_يامن ابنى حبيبى،جرالك ايه وايه اللى عمل فيك كده فرح_ماما حبيبتي يامن كويس ،الدكتور طمنا محمود_الف سلامه عليك يابنى ،قدر ولطف استغلت نغم إنشغال الجميع وذهبت الى الحسابات لكى تدفع حساب المشفى الخاص الذى به يامن *** _بتقول ايه يا حيوان ،هوا انت كنت عايز تقتله _ ياباشا دى اوامر شهاب باشا قالنا نقتله _وانت يا زفت منك ليه بتاخد اوامر منى ولا منه ،انا مش عايز قتل ،كنت عايزكم تروقوه شويه وبس،اغبيه ،الحمد لله انه مماتش ،علشان كنت هموتكم وراه ،غوروا من وشى _حسابك تقل معايا ياشهاب الزفت انت كمان ،كنت عايز تلبسنى مصيبه ،كله الا القتل (لا والله فيك الخير) ***** جاء دكتور لؤى ليطمئن على حالة يامن لؤى _السلام عليكم، اخبار حضراتكم ايه محمود_وعليكم السلام ،الحمد لله يابنى نحمده على كل حال لؤى _ربنا يطمنك عليه ،ثم وجه حديثه الى يامن_تسمح لى يابطل اطمن عليك يامن بفرحه من رؤيته للؤى الذى كثيرا ما سمع عنه وود أن يعمل معه بشركته هو ورعد _حضرتك دكتور لؤى الصياد لؤى بهدوء_ الظاهر حازم حكالك عنى يامن _انا اسمع عن حضرتك وعلى باشمهندس رعد من قبل ما اتعرف على حازم ،وبصراحه معجب بيكم جدا لؤى_ربنا يعزك يا بنى لؤى_يامن انت هتضطر تفضل معانا هنا اسبوع فى فحوصات واشعه لازم تتعمل محمود _هوا حالته ايه يادكتور لؤى_الحمدلله،شويه كسور فى ايده وفى جسمه أن شاء الله يبقى كويس ،ماشاء الله ياحج ،بركه دعائكم ، يامن عدى منها على خير ،كان فى نزيف داخلى بس الحمد لله قدرنا نوقفه ، اصاب محمود الخوف والصدمه معا لؤى_انا مش بقول لحضرتك كده علشان اخوفك انا حبيت اعرفك قد ايه ربنا رحيم جدا وانه نجا منها باعجوبه ، احسان_الحمد لله يارب الحمد لله لؤى_حضراتكم تقدروا تروحوا ،هنا فى رعايه شاملة متقلقوش عليه ،يامن فى عينينا فرح_اه ياماما روحى انتى وبابا وانا معاه هنا احسان _لا انا مش هسبب ابنى ابدا لؤى متفهما_تمام زى ما تحبوا انا هحجز لكم الاوضه اللى جنب دى علشان تاخدوا راحتكم،والف سلامه عليك يا يامن *** لؤى_يلا يا حازم علشان نرجع القصر مامتك قلقانه عليك حازم_انا كلمتها ياعمى ،هدخل اطمن على يامن واجى مع حضرتك *** محمود _المستشفى هنا شكلها غاليه اوى ،هروح اشوف الحسابات اكيد عايزين الحساب محمود للممرضه _قوليلى يابنتى حساب الليله هنا بكام الممرضه _على حسب ياحج ،الاوضه اللى حضراتكم فيها دى vip محمود _يعنى ايه يابنتى فرح_يعنى دى للناس المهمه ،ثم وجهت حديثها للممرضه_غاليه مش كده الممرضه _ايوة يا فندم ٥٠٠ جنيه فى الليله محمود _ياربى ،واحنا هقعد هنا اسبوع وكمان حاجزين اوضتين احسان _هتعمل ايه يا محمود محمود_متقلقيش ،ربك هيفرجها ،هروح اسأل المبلغ المطلوب بالظبط واروح اجيبه الممرضه_فى قسم فوق كامل بالمجان للى مش بيقدر على تكلفه المستشفى،دكتور لؤى مشرف عليه بنفسه محمود_اها ربنا يجازيه خير يارب **** لو سمحت يابنى _عايز اعرف حساب غرفه ٢٠٥كام من فضلك الممرض وهو ينظر للحاسوب امامه _ثوانى يا حج ،بعد لحظات _الحساب مدفوع يا حج ،حساب الاسبوع وتكلفه الفحوصات والاشعه اللى هتتعمل كمان محمود_ازاى يابنى انا لسه مدفعتش حاجه الممرض_ده اللى ظاهر قدامى ياحج،المريض اسمه يامن محمود مش كده محمود _ايوة يابنى الممرض_تمام ياحج الحساب اندفع خلاص،الف سلامه عليه استغرب محمود ،وظن أن نغم هى من دفعت التكاليف وخاصه بعد اختفائها وعودتها بعد فترة وقرر أن يذهب ويحضر للملبغ ويرده لها كاملا **** احسان_نغم يا حبيبتي تقدرى تروحى ،اهلك ممكن يقلقوا عليكى ،كتر خيرك يابنتى نغم_هفضل معاكم شويه ياطنط وبعدين همشى ، فرح_ماما قصدها منسببش لك مشاكل فى البيت يانغم نغم_فرح انا حتى لو بت برا البيت محدش هيأخد باله انى مش موجوده ، دهشت فرح مما تسمع نغم _متستغربيش يافرح ،انا يعتبر عايشه لوحدى فى الفيلا ، احسان _ياحبيبتى يابنتى. نغم _عادى ياطنط انا اخدت على كدا خلاص جاء محمود من الخارج _نغم يابنتى لو سمحتى عايزك نغم_نعم ياعمى محمود_اتفضلى يابنتى المبلغ اللى دفعتيه تكلفة المستشفى ،كتر خيرك يابنتى نغم_ بس انا مدفعتش حاجه استغرب محمود نغم _انا فعلا روحت اعمل كده ،بس عرفت هناك أن الحساب اندفع ففكرت أن حضرتك دفعته محمود_ يبقى اكيد حازم صديق يامن،بكرة الصبح هكلمه نغم_اه فعلا اكيد هوا محمود_تسلمى يابنتى ،ونعم الصديقه ،فرح محظوظه بصديقه زيك نغم_صدقنى ياعمى انا اللى محظوظه جدا انى اتعرفت على اسرة طيبه وحنونه زيكم ،ربنا يبارك يارب احسان_اعملك حاجه يا يامن ياحبيبى يامن بتعب_متحرمش منك يا امى ،انا بس عايز انام **** فى الصباح جاء حازم للاطمئنان على يامن قبل ذهابه للجامعه طرق الباب ففتح له محمود_اهلا ياحازم يابنى تعالى حازم_انا اسف انى جيت بدرى ،بس مقدرتش اروح الجامعه قبل ما اطمن علي يامن _تيجى فى اى وقت يابنى ،انا كنت عايزك قبل ما تمشى _حاضر ياعمى ،هطمن على يامن واجى لحضرتك بعد أن اطمئن حازم على صحه يامن _ايوة ياعمى ،حضرتك كنت عايزنى _الفلوس اللى انت دفعتها تكلفة للمستشفى ,اتفضل اهى،ربنا يبارك فيك _انا مدفعتش حاجه يا عمى محمود بدهشه _امال مين اللى دفعها ،غريبه _المستشفى بتاعة عيلة الصياد ومش معقول هنحاسب حضرتك على حساب يامن اللى اصبح واحد من العيال خلاص محمود _بردو يابنى كتر خيرك ، ربنا يزيدكم يارب ، حازم _خد فلوسك يا عمى ،انت عايزنى انطرد من القصر ولا ايه محمود_ربنا يجازيكم خير ،الحمد لله ربنا رزق اولادى بصحبه لو لفوا الدنيا كلها مش هيلاقوا زيها خازم_ربنا يكرم اصلك ياعمى ،،يامن انا مشفتش ولا هشوف حد فى اخلاقه وطيبته ،ربنا يبارك فى تربيه حضرتك ياعمى محمود _ده توفيق من ربنا يابنى ،وانت كمان ربنا يبارك فى تربيه والديك بجد **** يامن _فرح انتى مش هتروحى الجامعه فرح _لا انا هفضل معاك هنا احسان _انا معاه يا فرح ،روحى انتى يابنتى الامتحانات قربت فرح_خلاص ياامى هروح بكرة ان شاء الله ،بس النهارده هفضل مع يامن احسان _ماشى يابنتى دخل محمود _ ربنا يكرم عيلة الصياد دى بجد ،ناس ادب واخلاق ورحمة بجد احسان _خير يامحمود محمود_ الناس كتر خيرهم نقلوا يامن على هنا وانقذوه على وجه السرعه وكمان كان بامكانهم يحطوه فى القسم اللى بالمجان لكنهم حطوه فى احسن واغلى قسم ومش بس كده لما روحت ادفع الحساب ،قالوا أن الحساب مدفوع خلاص سعدت احسان كثيرا_ربنا يباركلهم يارب اقتربت فرح من اخيها_برافو يامن عرفت تختار الصديق الصدوق **** _امجد ،ممكن لو سمحت ،تبعد عن فرح امجد بلا مبالاه _ليه نغم_فرح صاحبتى ومسمحش اى حد يأذيها لا هيا ولا عيلتها يا امجد _موعدكش ،اخرجى انتى برا الموضوع يا نغم _امجد ارجوك لو ليا خاطر عنك سيبها فى حالها ،حرام عليك اللى حصل لاخوها امجد بتظاهر البراءه _ايه اللى حصل لاخوها _انت عايز تفهمنى انك ملكش دخل باللى حصل ليامن محدش يقدر على ده الا انت ياامجد _وليه متقوليش أن اخوكى اللى عمل كده ،حب يوجب معايا بعت الرجاله علشان يخلصوا عليه صدمت نغم مما سمعت وهى لا تكاد تصدق _انا صحيح كنت هبعت له حد من تبعى يعلم عليه ،لكن فؤجئت أن شهاب باعتله بلطجيه يموتوه نغم_لااا شهاب ؟! امجد_نغم ،انا مدين ليكى بالكتير ،،بس فرح ،موعدكش انى اسيبها فى حالها ، نغم_امجد بليييز ،دى صاحبتى امجد وهو يرحل _سورى يا نغم ،يس اوعدك انى مش هأذيها ،بس انا مش بسيب حد غلط فيا من غير ما يتعاقب ١٥&١٦ فى اليوم التالى ذهبت فرح الى الجامعه لاول مرة وحدها بدون يامن ،كانت تشعر بالوحده حقا ،كان يامن يملا حياتها فعلا ،كانت بجواره تشعر بالامان ،لاول مرة تركب المواصلات من دونه ،ظلت تتذكر حديثه ومرحه معها طوال الطريق ،كان صديقا لها اكثر من كونه اخ ،انسابت دمعه فارة من عينية رغما عنها _ربنا يشفيك يا يامن يارب نزلت من الميكروباص وجدت نغم فى انتظارها امام الجامعه _حمدا لله على السلامه،يابنتى كنت جيت جبتك بالعربيه اسهل ،دماغك ناشفه اوى _يابنتى ،حرام اتعبك كل يوم _طيب يلا المحاضرة هتبتدى ***** بعد انتهاء اليوم _هتروحى المستشفى،ولا هتروحى البيت _هروح البيت اعمل اكل وبعدين اروح المستشفى _تمام ،يلا هوصلك _يابنتى متتعبيش نفسك ،هرجع زى ما جيت _هوصلك يعنى هوصلك _نغم ،سيبينا شويه ،عايز اتكلم مع فرح وقفت امامه بتحدى _وانا مش عايزة اتكلم معاك قال لنغم بحدة_نغم ،امشى دلوقتى _لا مش همشى يا امجد ،انا قلت لك ابعد عن فرح _نغم متخلنيش ازعلك وانا مش عايز اعمل ده _عايز ايه ياامجد ،قول اللى عندك قدام نغم _نغم مش هقول كلامى مرتين ،انتى عارفه انا ممكن اعمل ايه نغم باستسلام_فرح انا هستنى بعيد ،خمس دقائق وهرجعلك تانى ذهبت نغم بوجع ،لا تدرى لما تتعلق به هكذا وهو على هذا الحال ،حاولت مرارا أن تبعد تفكيرها عنها ،لكن بمجرد أن تراه تتحطم كل حصون دفاعها ،هى تعرف تمام المعرفه انه لا يناسبها كما انه لا يبالى بها من الأساس ،تنهدت فى ضيق وظلت تنظر لهم من بعيد *** _عايز ايه يا ...ثم أكملت بسخريه_ياامجد باشا ،اسمع من النهارده مش هسمح لك تقف تتكلم معايا الواقفه دى ولا انك تتعدى حدودك وتحاول تمسك ايدى فاهم ،من النهارده هتشوف فرح تانيه خالص _لا خوفتينى ،وايه كمان يا قطه ، انتى ناسية انتى مين ،مبصتيش لنفسك فى المرايه ولا لهدومك انتى مجرد واحده ملهاش اي لازمه فى الحياه و،الظاهر انتى متعلمتيش من الدرس اللى بعته ليكى مع اخوكى ،مش انا اللى تتحديه يا..يافرح تغيرت تعابير وجهها الى الصدمه والالم معا _انت السبب فى اللى حصل ليامن؟!،غبية ازاى مربطش الاحداث ببعضها ثم أكملت ببكاء والم_ليه ،،ليه تأذيه بالشكل ده عمل لك ايه يامن عمره ما اذى حد ،طول عمره فى حاله ،انت انسان معندكش قلب ،حسبنا الله ونعم الوكيل فيك ضحك امجد ضحكه عاليه _ايوة كده عايزك ،تعيطى كمان ،عايزك تيجى تترجينى انى اسيبك فى حالك انتى واهلك فرح بانكسار_لو كنت عايزنى اعتذرلك ،،فانا اسفه يا امجد باشا ،بامكانك ترد بدل القلم عشرة ،ومستعدة اعتذر لك قدام الجامعه كلها ،بس ارجوك سيب اخويا فى حاله كفايه معاناته طول عمره ،ارجوك _ممم مكنتش اعرف انك هتستسلمى بسهولة كده _مش ده اللى انت عايزة ،وانا مستعدة،بس خليك فاكر انى مش هسامحك ابدا ياامجد على اللى عملته فى يامن ،هيجى اليوم اللى اخد فيه حق اخويا بنفسى منك _ايوة كده ارجعى القطه الشرسه اللى حبيتها فيكى ، كده مش همل منك بسرعه فرح وقد فقدت السيطرة على هدوئها وقالت ببكاء مرير_انت عايز ايه بالظبط ابعد عنى بقا حرام عليك ، بتعترض طريقى كل شويه وتريقه عليا وعلى لبسى ومتكلمتش ،تريقه على اخويا وسكت ،اتعديت على اخويا وكنت هتموته وبحاول امسك اعصابي ومفيش فايده ،منك لله يا امجد لا يدرى لما اثار رؤيتها منهارة هكذا شيئا ما فى قلبه ،احس بالم حاد فى اعماقه ،خنجر اصاب قلبه فاخترقه فاصابه فى مقتل ،لم يستطع المكوث اكتر ،احس بوحش فى المكان يطارده خطى بسرعه اشبه بالعدو وركب سيارته وانطلق بها *** لم تكن تنظر إليهم فقد انتابها شعور بتأنيب الضمير كيف تحب من سبب الاذى والوجع لصديقتها الا تعد هذه خيانه ،هى تحب فرح ولا تريد لها الا الخير ،وايضا لا تستطيع التحكم فى قلبها،تحبه من طرف واحد ولا تستطيع البوح بهذا لاحد اذا فليبقى بداخلها طالما لا احد يعرف بهذا ولا حتى هو نفسه فاقت من حالتها تلك،وجدت فرح منهارة على الارض تبكى وامجد ليس بالجوار ،جرت سريعا اليها _فرح ايه اللى حصل ،امجد عمل فيكى حاجه ،قوليلى يافرح ردى عليا متسبينيش كده فرح ببكاء_ امجد السبب فى اللى حصل ليامن يانغم سكتت نغم ولم تستطع الكلام فرح _انتى كنتى عارفه ومقلتليش ليه يانغم نغم باسف_هيفيدك بايه انك تعرفى يا فرح شوفى حالتك عاملة ازاى،انا اتكلمت معاه وهو وعدنى انه مش هيأذيكى لا انتى ولا عيلتك فرح باستخفاف _وكأنه هيفى بوعده ده ،انا السبب فى اللى حصل ليامن ،قوليلى هبص فى وشه ازاى بعض كده ثم أكملت ببكاء _انا السبب ،انا اللى عملت فى يامن كده نغم بالم على ما يحدث لصديقتها_فرح ارجوكى متعمليش فى نفسك كده ،انتى مش ذنبك حاجه،قومى يلا تعالى معايا ،علشان نرجع البيت فرح _سيبينى يا نغم ،انا ضعيفه ،ضعيفه اوى ،انا اذيت يامن بضعفى ،اذيته بخوفى من الحقير امجد ،بس انا مكنتش خايفه على نفسى، كنت خايفه عليه كنت خايفه احكى ليامن ليأذيه،وبردو قدر يأذيه ،قوليلى اعمل ايه ،انا مبقتش عارفه اتصرف ،ليه انا مستسلمة تماما لل بيعمله معايا امجد ،انا مكنتش كده نغم بحذر _انتى حبيبتي امجد يافرح؟!! فرح بصدمة_حبيته!!انا مبكرهش حد فى حياتى قد كرهى ليه ،امجد ده احقر انسان شوفته ،ولا عمرى هسامحه على اللى عمله تنهدت نغم براحة ،ظلت تفكر كيف ستخلص صديقتها من براثن امجد ،،،ترى هل ستستطيع؟! نغم_قومى يافرح يلا ارجوكى ،تماسكى انتى مش ضعيفه يلا هوصلك للبيت وكل حاجه هتتحل باذن الله اوصلت نغم ،فرح الى بيتها ،كانت فرح طول الطريق تحاول تهدئة نفسها حتى لا يلحظ والدها حزنها نغم_انا هفضل معاكى لحد ما تهدى ،تعالى يلا نعمل الاكل علشان عمو محمود قرب يجى نغم لكى تخرج فرح مما هى فيه_ماشاء الله شطورة يافرح ،بتعرفى تطبخى ،تعرفى انا ولا مرة دخلت المطبخ ،مش بعرف اعمل شاى حتى تصورى ابتسمت فرح ،نغم_ايوة كده اضحكى يافرح ،مش عايزة اشوفك حزينه تانى ،ده انتى حتى اسمك فرح تنهدت فرح فى الم _صعبان عليا اللى حصل ليامن نغم بحزن_ربنا يشفيه ،الحمد لله انها جت على قد كده فرح_وهسيب الحيوان ده يتحكم فينا كده ؟! نغم _هكلمه تانى يافرح اوعدك هحاول اخليه يبعد عنك فرح_لا ابعدى عنه ،ده انسان ندل ممكن يأذيكى انتى كمان عاد محمود من الخارج _السلام عليكم ،ها يافرح خلصتى الاكل هنروح نتغدى فى المستشفى مع يامن فرح _اتفضل يابابا انا جهزت لحضرتك الاكل ،ابقى سلم على ماما ويامن محمود_انتى مش جايه ؟! فرح_معلش يابابا كان نفسى بس مش قادرة تعبانه شويه نغم_اتفضل انت ياعمى وانا هفضل مع فرح لحد ما حضرتك ترجع بالليل محمود_طيب زى ما تحبى ،خدوا بالكم من نفسكم ومتفتحوش لحد فرح_حاضر يابابا **، نغم_ليه مروحتيش يا فرح ،انا متاكدة انك مش هتتحملى تفضلى بعيد عن يامن فرح بحزن_مش قادرة ،مش هقدر ابص ف وشه وانا السبب فى اللى حصل له نغم _فوقى يا فرح ،انتى عارفه انك مش السبب فى حاجه وكله بسبب ..تنهدت بضيق ..امجد فرح_ارجوكى متجبيش سيرته بتعصبنى نغم _حاضر ،،ممكن ناكل بقا انا جعانه اوى وريحه الاكل تحفه *** مروان_الف سلامة عليك يا يامن ادهم_ايه يابنى ،انشف كده ،انت واخينا الخرع ده ،مشيرا الى حازم حمزة _سلامتك يا يامن علاء_سلامتك يا يامن،كان نفسى نتعرف فى ظروف احسن من كده يامن _شكرا ليكم ادهم (ده ادهم الصياد غير ادهم بن عم امجد خدوا بالكم ياشباب) يامن مين اللى ممكن يعمل فيك كده،اقصد فى حد على عداء معاك يامن _لا على ما اعتقد ،انا عمرى ما اذيت حد ،معرفش مين دول او عايزين ايه مروان_يعنى انت مش بتشك فى حد حازم_ايه يا جماعه هوا احنا فى النيابه هناولا ايه ادهم بحده لحازم_انت تسكت خالص انا ماسك نفسى عنك بالعافية ،،لولا عمى لؤى موصينى مجيش جنبك كنت فرمتك ،،شويه صيع يعلموا عليك ،ها (منور يا ادهم ،،هارك اسود عايزه يعمل ايه يعنى ) مروان_خلاص يا ادهم اللى حصل حمزة ليامن_متاخدش فى بالك،هما كده علطول يامن_ بس جميل ،خوفكم على بعض علاء _يلا ياشباب علشان نسيب يامن يستريح قام الجميع بتوديع يامن وتمنى له الشفاء العاجل كادوا يخرجون الا انهم وجدوا الرعد فى طريقهم ،فافسحوا لعمهم الطريق احتراما ،،حمزة_منور يا عمى رمقه رعد نظرة اربكته _على القصر يا حمزة حمزة_اوامرك ياوحش رعد_ ادهم ،اخفى اخوك من قدامى ادهم وهو يسحب اخوه من ملابسه _حاضر يا عمى (ملحوظه رعد معندوش ابناء غير حنين وبس وهنعرف ده فى الجزءالثالث من لماذا يا ابى باذن الله) دخل رعد الى غرفه يامن،الذى ما ان رأه حتى سر كثيرا يامن _ياااه ،رب ضارة نافعه ،باشمهندس رعد بنفسه هنا قدامى ،انا مش مصدق ،،ربنا حقق لى حلمى انى اتعرف على عيلة الصياد رعد بهدوء_ ها اخبارك ايه دلوقتى يا بطل يامن_الحمد لله فى نعمة ،شكرا على اللى حضرتك عملته معايا ،حازم حكى لى ان حضرتك اللى انقذتنا وجبتنا هنا ع المستشفى رعد_كان نفسى القن الكلاب دول درس بس للاسف هربوا اول ما وصلت يامن_حسبى الله ونعم الكيل فيهم رعد_قوم انت بالسلامة وعدى السنه دى بتفوق كعادتك علشان مكانك فى شركه الصياد منتظرك حازم_ايوة يا عم مين قدك،، هتشتغل مع الوحش نظر رعد لحازم_انت لسه عندك بتعمل ايه تراجع حازم للخلف_انا نسيت اعطى ليامن الورق اللى طلبه ،،مصمم يذاكر وهو ف المستشفى رعد_حطه هنا وحصل اولاد عمك بسرعه حازم وهو يخرج سريعا_حاضر رعد_ايوة كده تعجبنى فيك عزيمتك القويه،انا مبحبش اللى يشتغل معايا يكون متكاسل ، يامن_شكرا لحضرتك يا باشمهندس **** امال _امجد انت فين ،مش ظاهر طول اليوم ،سالت عليك اسر ونودى ومحدش يعرف عنك حاجه امجد_ مش راجع النهارده ياماما يمكن بكرة او بعده امال _انت سافرت تانى!! امجد_لا ،بس مليش مزاج ارجع ،سلام امال_امجد استن..،اوف قفل الخط كارم بسخريه_منتظرة من بنى ادم زى ده ايه امال_لو سمحت يا كارم متتكلمش عن ابنك بالاسلوب ده كارم بسخط_ابنى،،انا خارج ويمكن اتأخر امال_حتى انت خارج ،هفضل فى الفيلا لوحدى كارم_مش هتغلبى ،روحى النادى اقعدى مع صاحباتك **** يامن _ماما فرح فين ،مشفتهاش طول اليوم احسان_فى البيت ،تعبانه شويه يامن بخضه عى اخته_تعبانه مالها ياماما محمود_اختك كويسه مرهقه بس ،اكيد معرفتش تنام فى المستشفى امبارح اتصل يامن بفرح للاطمئنان عليها يامن _مش بترد ليه محمود _يمكن نايمه ،متقلقش نغم معاها فى البيت وانا شويه ورايحلهم يامن_روحلهم دلوقتى يابابا ،انا قلقان على فرح ،دى استحالة تفضل كده من غير ما تيجى تطمن عليا فرح_فعلا ،حاولت ومقدرتش يا يامن يامن بسعاده_فرح خضيتينى عليكى ،،فرح انتى كنتى بتعيطى؟! فرح وهى تهز رأسها نفيا_لا يا يامن انا كويسه ،انت بس وحشتنى ،زعلت انى فضلت طول اليوم م غير مااشوفك ،فخليت نغم توصلنى على هنا محمود_وهيه فين دلوقتى فرح _روحت يابابا **** بعد اسبوع لم يظهر فيها امجد لفرح ،وتحسنت احوال يامن وسمح له الطبيب بالعودة الى المنزل الطبيب_دكتور لؤى بيعتذر انه مقدرش يجى النهارده وبيسلم على حضراتكم محمود_مفيش مشكلة يا دكتور ،ربنا معاه الطبيب_دكتور لؤى كان متابع حالة يامن وسمعت انه بيقول ان رجليه محتاجه عمليه جراحيه كبيرة شويه بس نسبه تحسن رجل يامن تتعدى ٨٠℅ محمود بفرحه_بجد يا دكتور ؟،والعملية دى تتكلف كتيير!؟ الطبيب_اكيد يا حج هيه مش عملية سهله ،ممكن تتكلف ١٠٠الف جنيه محمود_ الله المستعان ،المبلغ كبير جدا الطبيب_ ربنا يوسع رزقك ياحج،عن اذنكم يامن_انا مش محتاج عملية يا بابا ،اناالحمد لله راضى بحالى كده ،مترهقش نفسك بالتفكير فى الموضوع ده كتير ،حضرتك عندك فرح محتاجه تتجهز ،ربنا يعينى واتخرج واشتغل علشان اساعد حضرتك محمود_ربنا يباركلى فيك يابنى ،ربنا يقدرنى علشان اسعدك انت واختك *** جاء حسن مع والدته الى بيت محمود للاطمئنان على يامن وحددوا يوم غد لجلوس فرح مع حسن كرؤيه شرعيه بعد ما اصر يامن على ذلك رغم الحاح اخته انها لا تريد هذا الا بعد ان يتعافا كليا كان يامن لا يزال لا يستطيع المشى ،لذا كان حازم يحضر له ما يحتاجه الى المنزل كى يذاكر من منزله اتى اليوم المحدد لزيارة حسن كانت نغم مع فرح لتكون بجوارها فى مثل هذا اليوم نغم_ها يافرح حاسه بايه فرح_عادى يا نغم ،متوترة بس وحاسه انى مش هعرف اساله اى حاجه من الاسئلة اللى بقالى فترة برتب فيها نغم_ايه يابنتى حيلك ،اسئلة ايه،هو داخل امتحان ؟! فرح_الله مش لازم اعرف تفكير الشخص اللى هرتبط بيه نغم وهى تلوى شفتها_طيب يلا يا مس ،مستر حسن منتظر برا لحد ما قرب يخلل فرح_استنى بس هراجع الاسئلة فى دماغى نغم_والله انا عارفاكى ،اول ما تدخلى هتتلخمى ومش هتعرفى تفتحى بؤقك حتى فرح_طب نقطينى بسكاتك موترانى ،بعدين انتى جايه معايا ليه نغم_طبعا علشان اشوف سى حسن بتاعتك فرح_يابنتى مش لما اشوفه الاول نغم_خليكى انتى على جنب ،اصلا لو معجبنيش هفركش الجوازة دى ،هوا اى حد ياخد فروح لم تتمالك فرح نفسها من الضحك احسان _فرح صوتك مسمع برا فى الصاله فى ايه يابنتى فرح _اسفه يا ماما ،،خدى نغم ف ايدكى ،موترانى احسان بامتعاض _ما هو باين انك متوترة فعلا لكزت فرح نغم فى كتفها_شوفتى جبتيلى الكلام نغم بتبرم_وانا مالى هوا انا اللى قلت لك اضحكى بالطريقه دى جاء محمود_يلا يافرح فرح بتلقائيه_ يامن فين محمود_قاعد مع العريس ،يلا مشت فرح مع ابيها الى حيث المكان الذى يجلس فيه يامن مع حسن ،كانت فرح ترتدى دريسا هادئا وعليه خمار من نفس اللون ولكن بدرجه افتح قليلا ،بدت مثل القمر فى ليلة تمامه ،لم تضع اى مساحيق ولا حتى كحل ورغم ذلك كانت جميلة حقا دخلت مع والدها وعينيها ارضا م فرط خجلها ،اجلسها والدها بجوار اخيها يامن ام احسن_بسم الله ما شاء الله ،،قمر يا عروسه لاحظ يامن توترها فاقترب منها هامسا _ فرح حبيبتى مفيش حاجه تستدعى توترك الزايد ده ،حاولى تكونى على طبيعتك محمود _تعالوا اتفضلو فى الصالة نسيب العرسان يتعرفوا على بعض شويه يامن _فرح انا هقعد قصادك ف الصاله ،متقلقيش عاون محمود ابنه على القيام ثم اجلسه مرة اخرى مقابلا لفرح فى الصاله ظلت فرح تنظر ارضا ولا تتحدث وهو ايضا لم يتحدث بعد فترة مل حسن من الانتظار فقرر الحديث اخيرا حسن_انسه فرح ممكن ترفعى راسك علشان نقدر نتكلم شويه كانت فرح فى موضع لا تحسد عليه ،فرفعت راسها الى اعلى تنظر الى يامن الجالس قبالتها فى الصاله لكنه لا يسمع ما يقولان _اشار لها يامن ان تنظر الى حسن كى تعرفه وتستطيع اتخاذ قرارها الصحيح نظرت له نظرة خاطفه على استحياء .... انتهت الزيارة اخيرا على انهم سيردون عليهم بعد اسبوع لاعلامهم راى فرح نغم مسرعه _ها يافرح عملتى ايه ،اسكتى يا نغم موقف صعب اوى نغم بضحك _مش قلت لك مش هتعرفى تتكلمى فرح _لا سالته كم سؤال كده مش كلهم نغم _وانتى رايك ايه؟! فرح _قوليلى الاول ،انتى رايك ايه لما شوفتيه نغم_مخبيش عليكى يافرح ،مش اوى ،،كنت اتمنى ليكى حد افضل فرح_ميهمنيش الشكل قد الاخلاق يانغم نغم_انتى عجبك فرح_عادى يعنى ،شكله مقبول ،بس مش عارفه احدد اى شعور ناحينه ،حاسه عادى جدا مش موافقه ومش ومش رافضه ف نفس الوقت ____ نغم_عمو محمود بيقول معاكى اسبوع تفكرى ،خدى راحتك فى التفكير بعد اسبوع ،وطوال هذه المدة لم يظهر امجد فى حياة فرح يامن _ها يافرح قررتى ايه فرح_مش عارفه يا يامن ،مش حاسه ب حاجه حاسه انى لسه مش عارفاه محمود_لو تحبى اخليه يجى وتقعدى معاه تانى علشان تقررى علشان بعد الخطوبه مفيش قعاد مع بعض الا بحضورى او حضور يامن يامن_فكرة كويسه يابابا ،بس نأجلها لبعض الامتحانات افضل علشان فرح متتشغلش بحاجه محمود_باذن الله ****** احس انه يتهرب منها ،يتهرب من رؤيتها ،احس انه سيصبح ضعيف كلما احتك بها اكثر،لذا قرر الابتعاد عنها لفترة ،قرر الابتعاد لفترة ما بعد الامتحانات لكى يعود الى طبيعته معها فهو لن يسمح لايا كان ان يجعله ضعيف ،رقيق القلب _ماشى يافرح ،انا سايبك بمزاجى ،بس هرجعلك تانى واقوى من الاول كمان *** جاءت الامتحانات الاخيرة واخيرا سيتخرجون من الجامعه ويسعون نحو مستقبلهم الذى يحلمون به كان يامن يسعى الى أن يعمل فى شركه كبيرة ويساعد والديه ،لم يفكر فى نفسه قط ولم يفكر فى الارتباط باى فتاه فمن التى سترضى به هكذا ،كان هذه وجهه نظره ،كان يريد العمل ليساعد والده فى تجهيز اخته فرح فهى على وشك الخطوبه ولم يجلبوا اى شىء لجهازها بعد , انتهت الامتحانات بسلام على الجميع حازم_ياااه اخيرا خلصنا مذاكرة وامتحانات ،ونرتاح بقا يامن_الحمدلله ،يارب بالتوفيق لينا كلنا ،اخيرا قربنا للحلم اللى بنخطط له حازم_انت ممتاز يا يامن ،عندك افكار تحفه ،لازم تستغل ده كويس جدا يامن_ان شاء الله عندى افكار ملهاش حدود ،اول ما النتيجه تظهر باذن الله هبتدى ادور على فرصه فى اى شركه حازم_عمى رعد قالك أن مكانك موجود ولا نسيت يامن_يعنى تفتكر ،هيشغلونى كده بالسهولة دى حازم_لا طبعا لا انت ولا انا هنشتغل فى شركه الصياد بسهولة ،لازم يعملونا اختبار الاول،عمى رعد مش سهل ابدا فى الشغل ومش بيسمح بغلطه يامن بتحدى _وانا مستعد لأى حاجه المهم انى افوز بالفرصه دى مش هضيعها من ايدى ابدا *** _ماما انتى لسه بتتعاملى مع الست الخياطه دى _ايوة يا امجد ،دى بقت شبه صاحبتى ست طيبه جدا انا حبيتها بجد،اول مرة اتعرف على حد من الطبقه دى واكون قريبه منه بالشكل ده _ممم،ايه رايك تخليها تيجى الفيلا هنا بدل ما بتتقابلوا فى النادى،يعنى هنا تاخدوا راحتكم وممكن تجيبى صاحباتك هنا كمان علشان تقيسوا براحتكم _يااه يا امجد،فكرة مش بطاله ،مفكرتش فى الموضوع ده قبل كده ،بس تفتكر هتوافق _اقنعيها بشطارتك بقا ،مش هتغلبى يا مولى _بس انت يعنى شاغل دماغك بالموضوع ده ليه ارتبك امجد_ها..لا عادي ،حبيت اريحك مش اكتر _تسلملى يا حبيبي،ها ياامجد مش هتريح ابوك وتنزل تتدرب فى الشركه معاه ،ده مناه انك تنزل معاه يا امجد _ يووه كل شويه الشركه ،الشركه،انا بقيت بسمعها اكتر ما بسمع اسمى ،انا زهقت يامولى من الاسطوانه دى _يا امجد ابوك محتاج لك نفسيته بقت وحشه اوى اليومين دول ،لدرجه انى بفكر اعرضه على دكتور نفسى _مولى لو عايزة متخسرنيش ،متجبيش سيرة الشركه دى ،مش اهتماماتى ولا حاببها _طب قولى عايز تشتغل ايه ،قول فكرة المشروع اللى بتحلم بيه وانا اعملهولك _ممم لسه مش عارف مفيش حاجه فى دماغى كارم وهو يغلى من الغضب _طبعا مش عارف ،هو انت عارف حاجه ولا فالح لحاجه _اتكلم معايا باسلوب كويس _ولد ،انت نسيت نفسك ولا ايه _لا منستش ،بس انا مش صغير دلوقتى ومسمحش لحد حتى لو كان ابويا يهين فيا امال ملطفه الجو_يا امجد باباك خايف عليك امجد بحدة_وانا عارف مصلحتى كويس كارم_تقدر تقولى ايه هيا ،ها بتنجح فى الجامعه بالعافيه وخلاص خلصت ومفيش فى دماغك حاجه غير السهر والشلة الزبالة اللى معاك امجد_والله انا محدش له حاجه عندى وقت ما اقرر اشتغل هشتغل محدش هيجبرنى اعمل حاجه مش عايزها ثم نظر الى والده بتحدى كاد كارم أن ينفجر غيظا من امجد ،اصبح يبغضه لا يحبه ،الان اصبح يشعر انه ليس ابنه ،اصبح يشعر أن هذا الولد ليس من صلبه لا يمت له بصله ،اصبح لا يريده ،اصبح رؤيته تثير الغضب فى نفسه ،لكن ماذا سيفعل هل سيتحدث بالحقيقه بعد هذه السنوات هل سيخسر سمعته مثل ما تنهار شركته ولا يعرف ما سبب انهيارها بهذا الشكل,, اااه من هذا الامجد الغبى لما لا يساعدنى لما لا يكون مثل ما انا تمنيت ولدا جيدا يعاوننى فى الشركه يعتمد عليه يكون له اسما مرموقا فى عالم البيزنس, *** فرح_رايح فين يا يامن _خارج مع حازم شويه ، فرح بضجر_يا سلام اشمعنى انت تخرج وانا افضل كده قاعدة فى البيت يامن وهو يضحك _ما انتى نغم معاكى اربعه وعشرين ساعة فرح_انا عايزة اخرج يا يامن مش عارفه بابا مش سامح بده ليه ، يامن_ يافروح مالها قاعدة البيت ،انتى مش كل شويه كنتى تقولى امتا اخلص دراسة واقعد فى البيت وانام واصحا براحتى فرح_بس زهقت يا يامن من حقى اخرج بقا يامن_خلاص اوعدك لما ارجع ،اكلم بابا تانى يسمحلك تخرجى مع نغم فى اى مكان تحبوه فرح بسعاده _بجد يا يامن ،ب يامن_بجد يا فرحه قلب يامن،اه من حق حسن جاى الجمعه الجايه علشان تقعدى تانى معاه فرح بلا مبالاه _ماشى يا يامن **** امال_بقولل ايه يا احسان بدل مابنتقابل فى النادى ومش بنكون على راحتنا ،تعالى عندى الفيلا احسان _بس يامدام امال ،صعب موضوع الفيلا ده امال_صعب ليه انا هخلى اختى وبنتها يتعرفوا عليكى وممكن يبقوا زباينك كمان احسان_يا مدام امال ،انتى عندك زوجك وابنك علشان كده مش هينفع اجى عندك امال_لا من الناحية دى اطمنى خالص،امجد ابنى يعتبر مش بيجى الفيلا غير للنوم وبس ،وكارم طول اليوم فى الشركه،بعدين هنقعد فى اوضه لوحدنا احسان _طيب هشوف محمود وارد عليكى أن شاء الله امال_هبعت لك السواق يجيبك ويرجعك لباب البيت احسان _ ربنا يقدم اللى فيه الخير *** _وفيها ايه بس يا محمود لما اروح عندهم الفيلا هناك هنكون على راحتنا اكتر _عايزة تفهمينى أن مفيش رجاله فى البيت هناك _هنكون فى مكان لوحدنا ،كمان زوجها وابنها مش بيكونوا موجودين طول النهار _موافق بس بشرط خدى فرح معاكى،البنت نفسها تخرج احسان بسعاده _ربنا يباركلى فيك يارب *** _تمام يا احسان هبعتلك السواق بكرة ان شاء الله امجد_ بتكلمى مين يامولى _دى الخياطه جايه هنا بكرة امجد_جايه لوحدها ولا حد معاها امال_هتجيب بنتها معاها امجد بسعادة فى نفسه_كنت عارف انها مش هتيجى لوحدها ابدا، خطتى نجحت،واخيرا وهشوفك تانى ،رجعتلك قوى تانى يا..يافرح *** جاء السائق ليقل احسان وابنتها الى فيلا كارم شرف الدين حيث تنتظرها امال هناك _يلا يافرح وهاتى الشنطه اللى عندك وانتى جايه _حاضر يا ماما وصلوا الى الفيلا ،،اعجبت فرح بالتصميم العصرى للفيلا الخادمه_اتفضلى يا مدام ،الهانم مستنياكى جوا امال_اهلا يا احسان الفيلا نورت احسان _منورة بأصحابها يا امال هانم امال_ازيك ياا فرح مش كده فرح_اه يا طنط ، الحمد لله كويسه ازى حضرتك امال _بنتك عسولة خالص يا احسان ،بس انتى ليه ظالماها باللبس ده احسان_ظالماها؟! امال_ اللبس ده مكبرها اوى وكمان مدارى جمالها احسان بابتسامة خفيفه_وده المطلوب ان ملابسها تخفى مفاتنها يا امال هانم ،ربنا أمرنا بستر جسمنا ومنلبسش الضيق من الثياب الى يصف جسمنا ويصف مفاتنه امال_ايوة بس دى لسه صغيره مش زينا من حقها تتمتع بشابها احسان _ من اول ما تبلغ سن التكليف يا امال هانم لازم تلبس حجاب وملابس لا تصف ولا تشف وفى نفس الوقت شيك وحلوة امال_انا بنت اختى نودى فى سنها تقريبا ،تعالى شوفيها ملابسها كلها فاشون وكاجوال وحاجه كده واو خليهم يتمتعوا بشبابهم بعد كده يلبسوا اللى بتقولى عليه احسان _الحاجات الواو دى مينفعش تتلبس غير لمحارمها وزوجها بس امال_محارمها؟! احسان_اه يعنى ابوها او اخوها ،عمها،خالها ،جدها،ابنها... امال_اه فهمتك، بس عندنا هنا الوضع غير يقولوا علينا متخلفين ومش عالموضه احسان _مش مهم كلام الناس،صعب ترضى الناس يا امال هانم،المهم رب الناس يكون راضى عننا الخادمه _امال هانم ،فريدة هانم وبنتها وصلوا امال _طيب اتفضلى يا احسان ،هروح استقبل اختى وارجعلك فرح _برافو عليكى يا ماما انا فخورة بيكى بجد الخادمه وهى تقدم لهم الحلوى والعصائر _اتفضلى يا فندم احسان_شكرا يابنتى ،ربنا يكرمك الخادمه_اى خدمه يا فندم عن اذن حضرتك *** امال_فوفا حبيبتي وحشانى خالص ،كده مبقتيش تيجى زى الاول فريدة _ وانتى كمان جدا معلش بقا ،سعيد كان مسافر وكنت لازم اقعد معاه قبل ما يسافر مش هينفع اسيبه فى وقت زى ده امال _يجى بالسلامه يارب ياحبيبتى ،فين اسر ونودى اوعى تقولى مجوش ازعل منك فريدة _لا طبعا جم معايا ،تلاقى نودى طلعت فوق لامجد واسر بيركن العربيه وهيحصلنا امال_ماشى ،تعالى يلا اعرفك على الديزاينر بتاعتى *** نودى_واو يا امجد ايه الشياكه دى كلها ،كل ده علشان انا جايه اكيد ،عارفه قد ايه بتعزنى تضايق امجد من وجود نودى فى هذا اليوم الذى خطط له بلقاء فرح لذا قال متظاهرا الفرح_طول عمرى شيك يابنتى ، نودى بسرعه _اه طبعا شيك جدا وقمر كمان ،دى كل البنات هتتهبل عليك واولهم انا طبعا ابتسم لها امجد فى غرور _طب يلا طرقينى خلينى اكمل لبس نودى_اوك يا ميدو هستناك تحت فى الجنينه امجد _اه استنينى هناك ،هخلص وانزلك بعد أن رحلت جلس امجد على الفراش_اوف الخطه كده عايزة تعديل بسببك ،ما هو انا هشوفها يعنى هشوفها كانت نودى فى طريقها للجنيينه ،الا أن الخادمه اخبرتها أن والدتها تريدها بالداخل نودى _ هروح اشوف مامى عايزة ايه وبعدين استنى ميدو فى الجنينه طرقت الباب ثم دخلت _مامى انتى طلبتينى امال_نودى حبيبتي كده تطلعى على فوق من غير ما تسلمى على انطى حبيبتك نودى_معلش يا انطى انتى عارفه قد ايه امجد واحشنى اوى اثار هذا الاسم انتباه فرح التى كانت منشغله بالمجلة التى ترها اياها فريده فرح _امجد ،،ربنا يستر وميكونش هو ،تبقى مصيبه احسان _فى حاجه يافرح فرح_لا يا ماما انا كويسه امال_دى بقى نودى اللى حكيتلك عنها يا احسان ،ودى مدام احسان وابنتها فرح نودى بلا مبالاه _ هااى فرح _اهلا نودى كانت تنظر الى فرح نظرات غريبه ،استغربت فرح نظرات نودى لها فرح_فى حاجه يا انسه نودى؟! نودى _ها ،اصل عنيكى زى حد اعرفه ضحكت امال_اه انا كمان لاحظت عينيها جميلة اوى زى عيون وامجد بالظبط ،يخلق من الشبه اربعين نودى_ده لو عرف هيتجنن مش بيحب حد يكون زيه ،عايز يبقى فريد من نوعه هوا وبس ،وبصراحه متزعليش يافرح بردو عيون امجد اجمل ابتسمت لها فرح مجاملة وهى تقول لنفسها_ربنا يستر كل المؤشرات بتقول انه هوا احسان_ها يا فريدة هانم عجبك حاجه من المجلة فريدة _اه عجبنى ده جدا تقدرى تعمليه نظرت له احسان بتمعن _ممم اقدر أن شاء الله ،بس القماش ده مش هينفع استعمله فريدة _ ممم لو عايزة تزودى المبلغ مفيش مشكله احسان _لا طبعا مش بتكلم على كده ومدام امال عارفه ده كويس عنى ،انا قصدى نوع القماش ده بيلزق جدا ،علشان كده لازم اغيره ** نزل امجد واستغل عدم وجود نودى ظنا منه انها تنتظره بالجنينه وذهب الى حيث الغرفه التى توجد بها فرح تحجج انه يبحث عن والدته وانه يريدها فى شىء ما ،نادى على امه ومن ثم فتح الباب قامت نودى مسرعه بمجرد سماع صوته وجرت نحو الباب _ده اكيد امجد بيسال عليا ،انا رايحه له سلام فتح امجد الباب فوجد نودى فى وجهه نودى_انا هنا يا امجد عارفه انك كنت بتدور عليا ،يلا تعالى نروح الجنينه شويه حاول امجد التملص منها والنظر بداخل الغرفه لكن نودى كانت حائل دون ذلك فاضطر الى المشى معها نحو الحديقه حتى لا تنكشف خططه فلا احد يعلم معرفته بفرح امجد فى نفسه _اووف بقا ،يادى النحس ،طلعتيلى منين يا نودى نودى _بتقول حاجه يا امجد امجد _لا بس كنت بسال اسر فين نودى وهى تبحث بعينيها عن اخيها_اهو هناك بيتكلم فى الموبايل *** فرح بفزع_يا نهار ابيض انا جيت عند الحيوان ده برجليا ،يارب مش يكون شافنى يارب امال_روحى يافرح اقعدى مع الولاد فى الجنينه يا حبيبتى فرح بصدمه _ايه ،لا لا يا طنط انا هنا مع ماما فريدة _متتكسفيش ،قومى يلا نظرت فرح الى امها لتنقذها من هذا الموقف احسان _معلش يا فريدة هانم مش هينفع ،فى شباب برا فريدة _وايه المشكلة هما شباب زى بعض عادى فهمت امال _خلاص يا فريدة سيبيهم براحتهم تنفست فرح بارتياح _ربنا يعدى اليوم ده على خير *** عندما لمحه اسر قال_اهو امجد جه ،خد انت كلمه ،لاحسن لو كلمته انا هيخلص عليا امجد مستفهما _بتكلم مين اسر _ده ادهم بيسال عليك وبيقول انه رن عليك دلوقتى ومش بترد امجد بتذكر_اه نسيته فوق اسر_طيب خد كلمه امجد بحب ،فهو يحب ادهم جدا ومتعلق به ،رغم فارق السن بينهم ،فاسر فى نفس عمر ادهم وامجد فى نفس عمر نودى اى اصغر من اسر وادهم امجد_باشمهندس ادهم ،واحشنى جدا ادهم _وانت كمان يا امجد بجد وحشتنى امجد _ مش ناوى ترجع بقا ،خلصت دراسه والماجستير كمان ادهم (ده ادهم بن عم امجد وليس ادهم الصياد ركزوا)بجديه_لا مش راجع غير لما تمسك الشركه يا امجد امجد بضيق وهو يهز برأسه فى ملل_هما قالوا لك تكلمنى انت كمان فى الموضوع ده ادهم _يا امجد ابوك تعبان الفترة دى جدا والشركه بتمر بظروف سيئه لازم حد يمسكها والا الشركه هتنهار امجد_اهو انت قلت بتنهار _هعملها انا ايه بقا ادهم _امجد بطل لا مبالاه لو سمحت ،دى شركتك ،يعنى لازم تخاف عليها ،اسمع يا امجد لو ممسكتش الشركه ،مش هرجع مصر نهائى امجد_انت بتمسكنى من ايدى اللى بتوجعنى يا ادهم ،انت عارف لولا معزتك عندى كان زمانى اتصرفت معاك تصرف تانى ادهم_عارف ياامجد ،وانت كمان عارف انا بحبك قد ايه ،علشان كده بقولك امسك الشركه يا امجد امجد_ يابنى همسك ايه انا مش هفهم حاجه. ادهم_ هتتعلم يا امجد امجد _موافق يا ادهم هروح الشركه بس شكلا بس علشان يبطلوا الزن ده يمكن ابويا يرتاح ادهم بتنهيدة _زى ما تحب يا امجد امجد_بس عندى شرط ادهم_ ايه امجد _عايز سكرتيرة جديدة ادهم_بس كده هكلم عمى يشوفك سكرتيرة جديدة امجد بخبث_لا انا خلاص عارف هجيب مين اهدتنى__معاقا ١٧&١٨ ادهم_اعمل اللى انت عايزة بس اهم شىء تمسك الشركه،وياريت يا امجد تروح لابوك تصالحه ،كان بيكلم بابا وبيشتكى له منك امجد _اصالحه ليه هوا انا زعلته اصلا ،مش عارف الايام دى حاططنى فى دماغه ليه ادهم_روحله يا امجد على الاقل قوله انك خلاص موافق تمسك الشركه فرحه يا اخى زفر امجد بنفاذ صبر _ماشى يا ادهم لما نشوف اخرتها "كان امجد من سابع المستحيلات أن يعمل فى شركه والده لا يدرى لما،ربما عناد،او ربما لانه لا يريد أن يملى عليه احد ما يفعله،لكنه وجدهافرصه لازلال فرح والتسليه معها قليلا ،لا يدرى لما هى بذات ،لا يدرى لما تعلق بها لهذا الحد لدرجه انها لا تبرح تفكيره ،يشعر انه يريد استفزارها يريد أن يراها غاضبه ،ضجر من وجود نودى لانها كانت حائل دون رؤيتها فلقد اشتاق لها حقا ،يريد أن يراها باى وسيلة انهى امجد مكالمته مع ادهم وهو يفكر كيف سيلتقى بها اليوم قطع تفكيره هذا ،صوت اسر وهو يهمس له _ اخيرا هتمسك الشركه بس مين السكرتيره دى ،اوعى يكون اللى بفكر فيه صح؟! امجد _حل عنى دلوقتى يا اسر "فهو يفكر فيها كيف سيراها مع وجود نودى واسر نودى_امجد احنا هنقضى الوقت واقين كده ،يلا نقعد ونفكر فى لعبه نتسلى بيها واثناء ذلك لمح امجد فرح تمشى مع امها على الجانب الاخر من الحديقه وفى طريقهم الى بوابه الفيلا الرئيسيه فوجدها الفرصه السانحه امامه فقال مسرعا لنودى _عندى فكرة لعبة حلوة اوى ،هروح اجيبها وارجع خليكى هنا متتحركيش ثم مال على اسر _انا هخلع انا ،خرجنى من موضوع اختك باى حجه سلام كاد اسر أن يفتح فمه الا أن امجد اسرع فى خطاه ليلحق بفرح ،اسر_ربنا يستر ،شكلك مش ناوى على خير ابدا ياامجد كادت فرح أن تفتح باب السياره لتركب هى وامها مع السائق الخاص بامال هانم ليعيدهم الى المنزل الا انها فوجئت بامجد امامها ينظر اليها ببسمة عريضه وكأن لا شىء حدث من قبل تجاهلته فرح وصعدت الى السيارة ،همت امها بالركوب ايضا الا أن امجد اوقفها _ازي حضرتك يا مدام احسان ,بصراحه شغلك اللى بتعمليه لماما جميل اوى احسان بتلقائيه _انت امجد بن مدام امال امجد وهو ينظر لفرح التى تكاد تموت غيظا بداخل السيارة_اه يا طنط انا امجد ،وكمان كنت عايز اشكرك على الاكل بتاعك بجد تسلم ايدك الاكل تحفه اوى فرح فى نفسها _ومن امتا الادب ده أن شاء الله انسان مخادع احسان _بالف هنا يا بنى امجد _شكرا يا طنط تحبى اقولك يا طنط ،اصلى حاسس انكم خلاص بقيتوا من العيلة احسان _ربنا يكرمك يابنى،وانا مش عارفه اول ما شوفتك ارتحت لك جدا ،وفعلا زى ما مدام امال بتقول ،عينيك تشبه لعيون فرح بشكل كبير جدا امجد_عينيكى اللى جميلة يا طنط ،تسمحيلى انا اللى اوصلكم احسان _ليه تتعب نفسك بس،عم سيد السواق هيوصلنا امجد _تعبك راحه يا طنط ،اتفضلى ركبت احسان السيارة ،واعطى السائق المفاتيح لامجد كى يقود هو فرح لامها _ليه خليتيه يوصلنا هوا ،ماكان عم سيد هيوصلنا احسان بارتياح _الراجل حب يعمل معانا واجب اكسفه،بعدين ده شكله مؤدب وذوق خالص،ربنا يحميه لشبابه فرح بامتعاض فى نفسها _مؤدب وذوق،،ثم أكملت وهى تغلى من الغضب_امال لو عرفتى اللى عمله فى يامن ،ماشى يا امجد الزفت لما نشوف اخرتها ايه،بتخدع امى كمان امجد _ومين اللى معاكى دى ياطنط ،اخت حضرتك احسان _لا يابنى دى فرح بنتى امجد وهو يتصنع الاندهاش_بجد ،حضرتك اللى يشوفك يقول عليكى لسه صغيرة فى السن احسان وهى تضحك _دمك خفيف يا امجد يابنى صغيرة ايه بس امجد _صدقينى يا طنط دى الحقيقه فرح وهى تأكل فى نفسها حنقا عليه وعلى تمثيله المصطنع هذا امجد _ازيك يا انسه فرح ادارت فرح رأسها للجانب الاخر وتصنعت انها منشغله بمشاهدة ما يوجد خارج السيارة امجد فى نفسه _ماشى يا زفته انا تتجاهلى كلامى ،وكمان تبصى الناحية التانيه ثم قال مكملا تمثيله_الظاهر الانسه فرح بتحب المناظر الطبيعيه مركزة اوى مع الطريق،مش انسة بردو يا طنط احسان _ايوة يابنى هنا تخلت فرح عن صمتها اخيرا ،لا تدرى لما ارادت استفزازه هى الاخرى ،كانت قد عزمت أمرها أن تخبر والدها وأخيها انها لا تريد حسن لا تشعر نحوه باى شىء ولا حتى السعاده بفكرة الارتباط به لا تجد الحماسه لإكمال هذا الموضوع نهائيا لذا قررت أن تنهيه قبل أن يبدأ فقالت بخداع _ مش هتعزميه يا ماما على خطوبتى هوا ومدام امال احسان بدهشه _خطوبة ايه يافرح ،احنا لسه متفقناش على حاجه فرح بمكر_ما احنا هنتفق يا ماما لما حسن يجى يوم الجمعه الجايه علشان نحدد الميعاد صعق امجد ولا يدرى لما فكرة خطبة فرح اثارت جنونه لهذا الحد _خطوبة ؟؟ نظرت له فرح وعلمت أن خطتها فى استفزاره نجحت ،فابتسمت فى سخريه امجد وهو ينظر الى فرح بتوعد فقال وهو يكز على اسنانه _الف مبروك يا انسه فرح ،اكيد هنيجى طبعا علشان نباركلكم احسان بطيبه صادقه_ربنا يرزقك انت كمان يابنى ببنت الحلال امجد وهو يكظم غيظه من فرح_يارب ياطنط احسان _نزلنا هنا يابنى ،كتر خيرك امجد _بس لسه شويه على بيتكم فرح فى سخريه_وانت عارف كمان مكان بيتنا؟! امجد بارتباك _اه السواق قالى ع العنوان رمقته فرح بنظرة استخفاف احسان _معلش اصلى عايزة اشترى حاجه من السوق اللى هنا ومش عايزين نعطلك امجد_ماشى يا طنط اللى تحبيه ،اتفضلى نزلت احسان اولا وكادت فرح أن تخرج الا انها وجدت الباب مغلقا امجد لاحسان بخداع_ايه ده معلش الباب علق،هحاول افتحه ،انا اسف احسان _ولا يهمك نظر امجد الى فرح بشر_بقا انا اكلمك تتجاهلينى ومترديش عليا وتبصى الناحية التانيه،لا وكمان مبسوطه اوى بالخطوبه تجاهلته فرح ثانيه_لو سمحت افتح الباب علشان اخرج امجد بتحدى _ولو مفتحتهوش،هتعملى ايه احسان وهى تنقر على زجاج باب السياره _ها امجد ،لسه معلق امجد _هخرج اشوف الباب من برا اهو يا طنط خرج امجد وذهب للباب الخلفى فى الجهه المقابلة لاحسان واصطنع انه يحاول فتحه ،ففتحته وهو يقول _تعالى انزلى من هنا الناحية التانيه معلقه تحاملت فرح على نفسها وهمت على مضض بالخروج من الجانب الذى يقف عنده ،عندما خطت قدمها للخارج ووقفت قبالته قال بصوت هامس _ابقى ورينى الخطوبة دى هتم ازاى ياا .. ياحلوة نظرت له فرح بصدمه_انت بتهددنى كمان؟! امجد_افهميها براحتك بقا احسان _فى حاجه يافرح امجد_لا ياطنط انا بس بعتذر لها على الازعاج مش عارف الباب ده ماله كده ،تقريبا عايز صيانه احسان _كتر خيرك ياامجد تعبناك معانا امجد ببسمه حقيقيه ولا يدرى لما يعامل احسان بهذا اللطف فلو كانت احدا اخر وناداه باسمه هكذا وليس امجد باشا لنسفه نسفا _ولا يهمك يا طنط مع السلامه ركب امجد السيارة وقادها العودة الى الفيلا احسان _ابن حلال اوى ،ربنا يحميه فرح بدهشه_ده بن حلال ؟؟!! احسان _مش عارفه مالك متضايقه منه ليه ،حاسه من نظراتك كده فرح وهى تكاد تنفجر لكنها لم تظهر ذلك_لا وانا هتضايق منه ليه ،ده جه بنفسه يوصلنا , مفيش اكتر من كده شهامه **** _عايز معلومات عن الزفت اللى متقدم لفرح ده فورا ،تكون عندى بالليل مفهوم _حاضر يا امجد باشا اغلق الخط فوجد اتصال اخر من نودى نودى _امجد انت اتأخرت ليه كل ده بتجيب اللعبه امجد _نودى معلش جالى مشوار مهم وكان لازم اروحه ،نبقى نلعب بعدين نودى بضجر_يعنى انت مش راجع الفيلا دلوقتى امجد _لا هرجع بالليل نودى بتأفف_يا امجد كده هنكون مشينا ،انا ملحقتش اقعد معاك امجد _معلش يا نودى اوعدك انى هعوضهالك يا قمر انتى نودى بسعادة _بجد يا ميدو امجد_وانا عمرى كدبت عليكى نودى_حبيبى يا ميدو ***** يامن وهو يحمل الحقائب عن والدته_اتاخرتم كده ليه يا ماما احسان_ اصل انا حودت على السوق بالمرة واحنا راجعين جبت شويه حاجات ناقصه للبيت ،انت جيت امتا يامن _لسه من شويه ،فرح مالها كده دخلت على اوضتها علطول ،حد زعلها احسان _لا يابنى محدش زعلها ،يمكن تعبت من المشوار *** جلست على السرير شارده ،لما ارادت استفزازه ولما ادعت انها سوف يتم خطبتها رغم انها عزمت على عدم الموافقه ،لما ظنت انه اذا قالت انها سوف يتم خطبتها سينزعج ،ماذا دهاكى يا فرح ،لم تكونى هكذا من قبل ،تذكرت انه هددها أن الخطوبه لن تتم ،لم تهتم فهى فى كل الأحوال كانت لن تتم ،لكن ترى هل سيفعلها حق ،هل يستطيع ،قطع تفكيرها طرقات يامن على باب غرفتها و التى تعرفها جيدا ،تستطيع أن تميز طرقات يامن على باب غرفتها يامن_ممكن ادخل فرح بضحك _ما انت دخلت يا خفيف اصلا يامن بمزاح _ايه ده انتى وزنتينى امتا فرح _دمك تقيل على فكرة يامن بضحد _امرك غريب اوى ،انا خفيف ودمى تقيل ازاى ، فرح وهى تضحك_ههه يامن شكلك رايق وانا مش فايقه لك يامن _وايه بقا اللى شاغل بالي ست الحسن والجمال فرح _مفيش طبعا،بس انا بجد تعبانه وعايزة ارتاح شويه ،ممكن بقا تخرج علشان ابدل هدمى ولا ايه يامن_فرح انتى فى حاجه مخبياها عنى ؟! فرح بارتباك_حاجه ايه بس يا يامن يامن_مش عارف حاسس أن عينيكى بتقول انك عايزة تقولى كتير ،احكيلى يافرح ،مش انا يامن اخوكى حبيبك فرح بحب_اكيد طبعا،لو فى حاجه هاجى اقولك علطول يا يامن يامن _وانا كلى اذان صاغيه ليكى يافرحه قلبى فى اى وقت ،عايزة تتكلمى معايا فيه انا معاكى فرح_ربنا يخليك ليا يا رب يا يامن ،احسن اخ فى الدنيا يا ناس يامن بمزاح_طيب روحى اعملى لى كوبايه شاى بسرعه فرح بتأفف_سحبتها ، يامن _ هيه ايه اللي سحبتيها فرح بضجر طفولى _اخر كلمة قولتها ،قال اعملى شاى قال بقولك راجعه تعبانه تقولى شاى ،روح اعمل لنفسك يا بابا ضحك يامن _هههه ،،ثم تظاهر بالحزن كده يا فرح ،وانا اللى كنت جايب لك الشوكلاته اللى بتحبيها فرح بلهفه_هيه فين يامن بمزاح_لاا هروح ارجعها المحل بقا ولا اقولك هاكلها انا وهم بفتحها لكى ياكلها جرت فرح مسرعه نحوه لكى تأخذها منه قبل أن يلتهمها _لااا هاتها يامن وهو يبتعد _لاا فرح وهى تلحق به _هاتها بقى يا يامن علشان خاطرى يامن بعند_الحى عليا كتير الاول فرح بضيق _يااااامن يامن _خلاص خلاص صعبتى عليا ،خدى اهى ،بعدين انتى ناسيه انى مش بحب الشوكلاته اصلا ضربت فرح مقدمه راسها_اه صح ،نسيت يامن _اللى اخد عقلك يا قمر امسكت فرح الخدديه لتضرب بها يامن الذى ما أن رآها تهم بامساك الخدديه حتى فر هاربا فرح _جباااان يامن _مين ده اللى جبان ،طب تعالى لما اوريك بقا ،وامسك بالخدديه الاخرى وقذفها فيها بشدة فرح وهى تقذف بخدديتها نحوه بنفس القوة وهى تصرخ يااامن دخل والدهم على اثر اصواتهم العاليه وقال بتجهم مصطنع _والله عال ،كبرتم وخلصتم جامعه ولسه بتتصرفوا كأنكم اطفال اختبأت فرح خلف يامن بتلقائيه كعادتها دائما يامن _ احنا اسفين يابابا محمود بضحك فشل فى كتمه_هههه ربنا يسعدكم دايما يا ولاد فرح وهى تضع يدها فى خصرها_بقى كده يا سى بابا يامن_دلوقتى اتكلمتى ،مانتى كنتى عاملة زى الفار المبلول من شويه فرح _شوف يابابا يامن بيقول عليا فأر مبلول محمود وهو يضحك_متزعليش يا حبيبتي،ولد اسمها زى الكتكوت المبلول. ههه يامن_هههه فرح بغيظ_حتى انت كمان يا سى بابا يامن وهو يمسكها من ملابسها كالمتهم _ يابنتى بنهزر معاكى ،ايه منهزرش ولا ايه فرح باصطناع الخوف_لا ياباشا هزر براحتك ،هوا انا اتكلمت تركها يامن _ايوة كده اتعدلى ضحك محمود عليهم_انا خارج لو فضلت هنا مش هخلص منكم فى اليوم التالى كان محمود يتناول طعامه مع عائلته فجائه اتصال محمود_ايوة ،ياحسن يابنى حسن بتردد_انا اسف يا عمى بس كل شىء قسمه ونصيب فهم محمود مقصدة وانه يريد انهاء فكرة الارتباط بابنته فرح فقال على مضض _اللى تشوفه يابنى ،مع السلامه اغلق الخط وهو يتمتم _لا حول ولا قوه الا بالله يامن _فى ايه يابابا ،؟! محمود بحزن على ابنته _حسن غير رايه ،وبيقول كل شىء قسمه ونصيب احسان بصدمة_ازاى ده كل يوم يتصل وعايز يجى علشان يتكلم مع فرح واحنا اللى كنا بنقول استنى لبعد الامتحانات وهو اللى محدد بنفسه الجمعه الجايه انه يجى تانى علشان يقنع فرح يامن بغضب_ازاى يعنى هيه لعبة ولا ايه محمود_محدش عارف ظروفه يابنى كانت تستمع بصمت لكنها قامت من مكانها فجأة فارة الى غرفتها ____ اسر_انت مجتش الشركه ليه زى ما اتفقت مع ادهم ،ده لو عرف هيزعل منك امجد بضيق شديد_اسر متخلنيش ازعلك ،وسيبنى دلوقتى،مش فايق لك اسر_ فى ايه ياامجد،انت مش طبيعى من امبارح ،وكمان خرجت مع شهاب وانا عارف كل خرواجات شهاب زباله زيه،كنت بدأت تنسى شهاب ،ايه اللى رجعك تانى ليه امجد بغموض_هوا الوحيد اللى بيقدر ينسينى اللى انا فيه ،وفاهم كويس اوى ايه اللى هيروقنى اسر بسخريه_ياسلام والاماكن الزبالة دى هيه اللى هتروقك ،فوق ياامجد ،انا بن خالتك وخايف عليك ،ابوك الشركه بتاعته بتودع ومش عارفين نوقف الخساير اللى نازلة ترف على دماغنا امجد بتأفف _يوووه بقا ،حل علنى بقا كل شوية ابوك والشركه ،مش عايز اسمع كلام ف الموضوع ده اسر_وادهم تذكر امجد ان ادهم اخبره انه لن يعود لمصر الا عندما يمسك امجد الشركه فقال بامتعاض_هنزل الشركه الاسبوع الجاى ،اروق الاول من اللى انا فيه اسر_فيك ايه ياامجد ،هتقولى البنت اياها بردو امجد بعصبيه_ملكش دعوى ،انت فاهم اسر_خلاص ياامجد ،انت اتعصبت ليه بس امجد_ قوم هات حاجه ناكلها ،اخلص اسر بتأفف_حاضر ،ثم برطم فى سره _خدام ابوك انا امجد _بتقول حاجه يا زفت اسر_يا عم مش بقول رايح اهو *** فرت هاربه الى غرفتها وهى لا تكاد تصدق ان حسن انهى كل شىء ،ترى هل نفذ امجد تهديده؟!لكن كيف بهذه السرعه،وماذا فعل كى يجعل حسن يوافقه على ما يقول ،ولما فعل هذا ماذا سوف يجنى من فسخه لخطبتى من حسن ،لماذا تفعل هذا يا امجد الغبى ****** يامن بحزن_انا مش مصدق اللى حصل ،ليه كده يكسر بقلب فرح ليه احسان بتنهيدة لتخرج ما بداخلها من حزن_دى يا حبة قلبى حسيتها كانت خلاص هتوافق وابتدت تفرح ،يا حبيبتى يا بنتى محمود بصلابه _خلاص اللى حصل حصل ،بكرة ربنا يبعت لها اللى يستاهلها بجد ،لعله حسن مكانش هيكون زوج صالح ليها يامن وهو ينهض من مكانه_انا هروحلها محمود وهو يمسك ايد يامن يمنعه من الذهاب_اقعد يا يامن ،سيب اختك شويه لوحدها ****** فكرت فى الاتصال بصديقتها ،لتشاركها ما بها حيث انها كانت تشعر انها ستجن من فعلته هذه نغم بنعاس_ايوة يافروح ،صباح الخير فرح بضيق_صباح الخير ايه ،العصر قرب يأذن ،كل ده نوم نغم وهى ما زالت على وضعها نائمه على سريرها الناعم_هقوم اعمل ايه بس يا فرح ،ملل طول اليوم ومفيش حد اقعد معاه ،يبقى انام افضل فرح وهى تكاد تنفجر _طيب هسيبك تكملى نوم نغم وهى تحاول أن تفيق_مالك بس يافرح ،انتى فى حاجه مضايقاكى زفرت فرح بضيق _الزفت اللى اسمه امجد اعتدلت نغم فى جلستها سريعا بمجرد سماع اسمه وقالت بلهفه_امجد ،،حصل ايه فرح_امجد ،ارغم حسن على فسخ الخطوبه اللى لسه مبدأتش اصلا نغم بصدمة _بتقولى ايه!؟،امتا وازاى ده حصل فرح _حسن كلم بابا من شويه وقاله كل شىء قسمه ونصيب نغم_انا مش فاهمه حاجه،عرفتى منين أن امجد السبب وليه يعمل كده اصلا قصت لها فرح ما حدث يوم امس وتهديد امجد لها عندما علم انها سوف يتم خطبتها _انا هتجنن يا نغم ،امجد ده ايه بالظبط وعمل كده بالسهولة دى ازاى حاولت نغم أن تبدو هادئه_فرح انتى زعلانه علشان حسن؟!مش ده كان قرارك انك هتنهى الموضوع ده ،كويس انه جه منه هوا ،كنتى محتارة هتتصرفى ازاى فرح_مش ده اللى بتكلم فيه ،نغم افهمى ،امجد كده معناه انه مش ناوى يسيبنى فى حالى ،انتى مشفتيش قدر يضحك على ماما ويبين لها انه حد كويس ومحترم وهو عكس كده تمام ده اقذر مخلوق انا شوفته فى حياتى ابتلعت نغم هذه الغصه بصعوبه فهى تحب من كان سببا فى شقاء وتعاسة صديقتها لكنها لا تستطيع مصارحتها ابدا وايضا لا تستطيع أن تحيد قلبها عنه _فرح حبيبتى اهدى وانا هحاول اتصرف فرح _لا يا نغم انا مش بحكى لك علشان تقولى هتصرف،قلت لك ابعدى عن البنى ادم ده مش سهل ابدا ** جلس يامن قليلا على مضض ولكن ظن أن اخته ربما تكون تبكى الان فلم يستطع المكوث اكثر _بابا ارجوك انا مش هينفع اسيب فرح فى الحاله دى هز والده رأسه بالموافقه فانطلق سريعا يدق بابا غرفه اخته _فرح فرح _طيب سلام دلوقتى يانغم ،يامن بينادى عليا نغم باستياء _ماشى سلام فرح _ادخل يا يامن دخل يامن وتفاجىء أن اخته لا تبكى كما ظن فرح بضيق _فى حاجه يا يامن اقترب منها يامن_فرح انتى كويسه ،صدقينى لعل اللى حصل ده خير ،اكيد ربنا كاتب ليكى الافضل فرح لا رد يامن_فرح ،مش عايزك تزعلى فرح _انا مش زعلانه يا يامن على حسن ابدا بالعكس أنا محستش بناحيته باى حاجه،حتى مكنتش بكون مبسوطه بوجوده او الكلام عنه يامن بدهشه فى حين أكملت فرح_انا كنت قررت خلاص انى انهى الموضوع ده،واهو الحمد لله جت منه يامن_فرح انتى بتقولى ايه فرح _بقول الحقيقه يا يامن انا فعلا مكنتش عايزة حسن يامن_طب ليه اتصدمتى وجريتى بسرعه لما بابا قالنا ؟! ارتبكت فرح ولم تستطع قول شىء"هى لا تستطيع أن تحكى له عن ما يفعله امجد بها من مضايقات وتدخل فى شئونها ولعل هذا خطئها الكبير ،ربما لو كانت حكت لاخيها ما يحدث لكانت أحوالها افضل من معاناتها الان ،لكن خوفها على شقيقها من المشاكل منعها من البوح بالامر _ مم يعنى يا يامن اتحرجت من الموقف ده فقمت ،بس صدقنى انا مش زعلانه ابدا يامن بحب لاخته_يارب دايما يا حبيبتي اشوفك مبسوطه ومش زعلانه ابدا ،وربنا يرزقك بالزوج الصالح يارب ثم اكمل ليغير الموضوع _تعرفى بكرة انا وحازم ،عندنا اختبار قدرات ولو نجحنا فيه هنتنقل لمرحلة الاختبار النفسى فرح بدهشه _كل ده علشان تشتغلوا فى شركه الصياد يامن _يابنتى احنا مش هنشتغل مع اى حد ده رعد الصياد "الوحش" فرح _ انا مش عارفه ازاى اتنين متناقضين بالشكل ده زى "لؤى"و"رعد" يشتغلوا مع بعض ويحققوا النجاح العظيم ده يامن_ومش بس دول اولاد عمهم كمان زياد وعمر ...ده غير الرأس الاكبر مراد الصياد،،تعرفى سر نجاحهم ايه،،اتحادهم يافرح ،فهموا معنى العيلة وحب العيله صح ،علشان كده بقوا قوة محدش يقدر يتخطاها ابدا فرح _ماشاء الله ،يارب يا يامن تنجح وتقدر تحقق حلمك فى العمل معاهم يامن_يارب يافرح ،ادعيلى **** لم تستمع نغم لما قالته لها فرح وهمت بالاتصال اكثر من مرة بامجد ،لكنه لا يرد او خارج الخدمه ،ارتدت ملابسها ،ونزلت للمطبخ لتأكل اى شىء تجده على عجل لتذهب لتبحث عنه فى مكانه المعهود النادى بعد أن اكلت نغم ما وجدته بالمطبخ فلقد كانت جائعه حقا ،خرجت وجدت شهاب اخيها عائدا للتو وكعادته سوف يذهب للنوم ويقوم نصف الليل ليسهر بالخارج قررت أن تساله عن امجد_شهاب مشفتش امجد ،اصله مش بيرد على اتصالاتى شهاب بضحكه خبيثه لا تليق سوى به_ههه ومش هيرد نغم_ليه ،طيب تعرف مكانه ،اكيد فى النادى صح شهاب بلا مبالاه لمشاعر اخته الذى يعرفها فهو على درايه بان تغم تكن المشاعر لامجد لكن لا تفصح ذلك ولكنه يدرك ذلك تماما _امجد دماغه مع حد تانى خالص نغم بعدم فهم _مش فاهمه يا شهاب!! شهاب بابتسامة سخيفه_ انتى مشفتيش امجد كان عامل ازاى امبارح،،جالى كان على اخره كان ناقصله تكه وهينفجر،وطبعا انتى عارفه اخوكى قمت معاه بالواجب ابتسمت له نغم فى سخريه اكمل شهاب_عدلتله مزاجه تماما ،خليته حتى ينسى اسمه ثم اكمل بهمس لم تسمعه نغم واعينه كلها شرار _وقريب همسحه من على وش الارض _تعرفى عرفت بعدها كانت حالته كده ليه نظرت له نغم مستفهمه!!؟ شهاب_علشان عرف أن صاحبتك هتتخطب شهقت نغم بصدمه _ايه؟! اكمل شهاب _تعرفى عمل ايه ،،بعت رجالته مسكوا حسن دغدغوه ،واجبره انه يبعد عن فرح ،وهدده انه هيضيع له مستقبله نغم وهى لا تصدق _لاا،لاااا اكيد اللى بتقوله ده مش صح شهاب بلا مبالاه _هه مش مصدقه روحى اساليه بنفسك ،هتلاقيه فى النادى مع ابن خالته الواد الغبى اللى اسمه اسر *** والدة حسن_حسن يابنى قوم كل لقمة ،انت على لحم بطنك من امبارح حسن بوجع_سيبينى يا ماما فى حالى ،دلوقتى والدته_بس لو تقولى مين بس اللى عمل فيك كده وبهدلك بالشكل ده ،انت ملكش فى الشكل ولا الخناقات خالص حسن بالم_مش وقته يا ماما سيبينى بقا والدته_حسن طب ايه دخل فرح بالموضوع،ليه اصريت انك تنهى الخطوبه وانت كنت فرحان بيها حسن بغضب عند سماع اسمها فقد ظن أن فرح ليست فتاة جيدة حيث يأتى اليه رجال يهددونه أن يبتعد عن فرح وعندما ابى ضربوه وهددوه بضياع مستقبله ومهنته بل وسمعته ايضا فرضخ لطلبهم وعلم أن فرح ربما تكون على علاقه ما بشاب ذو نفوذ هكذا هداه تفكيره _متجبليش سيرتها ياماما،،موضوع وخلصنا منه ،،ربنا يسترها علينا والدته_لا حول ولا قوه الا بالله،عين وصابتك يابنى ، حسن بالم_يلا يا ماما خدى الاكل واقفلى عليا الباب عايز اقعد لوحدي كان حسن حزينا على ابتعاده عن فرح فلقد كان معجبا بها كثيرا فلقد اعجبه اخلاقها وخجلها وشكلها ايضا لكن يا خسارة فامام هذه المظاهر الخداعه تكمن فتاة سيئه ، ضرب الحائط بجواره بيديه وهو يقول _ليه يافرح ،تخدعينى كده ليه **** ذهبت نغم الى حيث يجلس امجد واسر بعد معاناه شديده فى الوصول الى مكانه اقتربت منهم نغم على استحياء فهى لم تعد كسابق عهدها،فلقد احتزت بأخلاق فرح ولم تعد تتحدث مع الرجال مخافة ربها ,لكن هذا الامر هام من وجهه نظرها _مم امجد لو سمحت ،ممكن اتكلم معاك ،من فضلك امجد وهو فى حالة يرثى لها _مش فايقلك دلوقتى يا نغم نغم بحزن_ارجوك يا امجد محتاجه اتكلم معاك امجد بنفاذ صبر _خير ،عايزة تقولى ايه ترددت نغم فى الحديث امام اسر ،،لاحظ اسر ذلك فقال بلباقه_هروح اشوف نودى فين وارجع جلست نغم فى الكرسى المقابل له تقوم بحدة_انا مش فاهمه انت جايب البرود وتبلد المشاعر ده منين ابتسم لها امجد فى سخريه_ههه من اخوكى طبعا ،ده اكبر استاذ فى كده نغم_ امجد ،انت عارف أن شهاب عايز يضيعك ليه بتمشى وراه امجد وهو يعتدل فى جلسته _لا عاش ولا كان اللى يضيعنى ،،انا ماشى معاه بمزاجى نغم بتنهيدة _طب ليه فرح ،،ليه بتعمل معاها كده وحاططها فى دماغك ،حرام عليك اللى عملته فى حسن امجد بشراسه_انا حر اعمل اللى أنا عايزة محدش يقدر يقولي اعمل ايه ومتعملش ايه نغم وهى تحاول كبت دموعها_حرام عليك يا امجد ،فرح متستاهلش كده ،ارجوك ابعد عنها يا امجد ،انت كده بتضيعها امجد وقد خطرت على باله فكره_عايزانى ابعد عنها نغم بلهفه_اكيد يا امجد ،،من فضلك امجد _يبقى تخليها تيجى تشتغل فى الشركه من اول الاسبوع الجاى نغم باستياء _انت بتقول ايه يا امجد امجد بخداع_اسمعى لو قدرتى تقنعيها تيجى تشتغل فى الشركه،اوعدك انى مش هتعرض لها ولا لحد من اهلها نغم_انت بتشتغلنى يا امجد ،ازاى اخليها تشتغل معاك فى الشركه وازاى انت هتبعد عنها ،انت فاهم انت بتقول ايه امجد بحدة _اسمعى يا نغم، لو فرح مجتش تشتغل فى الشركه عندى يبقى مش هتشتغل فى اى مكان تانى لا هى ولا يامن اخوها ،وانتى متاكده انى اقدر ع ده نغم ببكاء _حرام عليك يا امجد ،طب يامن ذنبه ايه بس تضيع مستقبله امجد وقد بدأ أن يكون لينا_نغم انا..انا هخليها تشتغل فى الشركه وبراتب عمرها ما كانت تحلم بيه حتى ،بس انا فعلا عايزها تكون معايا نغم بالم_اشمعنى فرح بالذات يا امجد امجد هذه المرة بصدق _معرفش يا نغم ،بكون مبسوط لما بشوفها ،عندى رغبه انى اضايقها واعصبها ،هيه الوحيدة اللى بتبعد عنى الملل ،كل لما انوى اكون كويس معاها ،تعاندنى وتعصتبنى وتخلينى اتعصب عليها كانت نغم تشعر بخناجر تطعن فى قلبها ،ها هو من احبت يعترف لها انه يحب فتاه اخرى وليست اى فتاة بل صديقتها المقربه فرح ،يالا تعاستها هى تعلم ان فرح لا تطيقه ،لكن كل حديثه لا يدل الا على انه يكن لها المشاعر فى قلبه ولم يعترف به امام نفسه بعد لعنت نفسها ولعنت قلبها الذى تعلق بشاب لا يريدها كما انه لا يناسبها ايضا فهى قد بدأت تخطوا الى الطريق الى الله وهو بعيد عنه الاف الأميال, لما يا قلب هذا العذاب امجد _نغم انتى معايا ،قولتى ايه علمت نغم انه لن يتراجع فقالت_اوعدنى انك مش هتأذيها لا هيه ولا عيلتها يا امجد ثم أكملت وهى تعصر قلبها عصرا ولكن ليس باليد حيلة ففرح صديقتها _لو كنت عايزها بجد يا امجد روح اتقدم لها رسمى من اهلها ،ولو موافقتش ابعد عنها وسيبها فى حالها يا امجد امجد وهو لم يستمع لما قالته من الأساس فهو كان يفكر فى طريقه لاذلال فرح واثاره غضبها _تمام يا نغم اتفقنا كادت نغم الحديث الا أن امجد قاطعها_خلاص بقا يا نغم شعرت أن جلوسها لم يعد له قيمه فانصرفت وهى تجر قلبها خلفها ذهبت الى الفيلا حيث غرفتها تحديدا توضأت وصلت واخذت تدعوا الله أن يخرج حب امجد من قلبها وان يحمى فرح من بين براثن امجد ****** فى صباح اليوم التالى ع الهاتف فرح_نغم تعالى قضى اليوم معايا،يامن عنده اختبار فى الشركه اللى عايز يشتغل فيها وبابا عند عمتو وماما مشغولة فى الاوردرات اللى مطلوبة منها نغم_ حاضر يافرح جايه ارتدت نغم ملابسها،فسمعت هاتفها يرن نغم _السلام عليكم _ نغم حاولى تقنعيها بسرعه بعد يومين تكون عندى ف الشركه نغم بتأفف _امجد انت مش قلت الاسبوع الجاى _غيرت رايي ،منتظر مكالمة ليكى بموافقتها والا يامن عمره ما هيشتغل ف شركه الصياد اللى بيحلم بيها نغم بصدمه_انت عرفت ازاى امجد_الظاهر انك لسه متعرفيش مين امجد ذهبت نغم الى صديقتها فرح وهى مغلوبة على أمرها ,لا تريد زج فرح فى طريق امجد لكن ما باليد حيله فمستقبل يامن مرهون على ذلك ،كما أنها تعرف ان امجد لن يغلب فى ايجاد اى طريقه للوصول لفرح فرح_نغم حبيبتي وحشانى اوى نغم _وانتى كمان وحشانى جدا يا فرح فرح _تعالى ادخلى نغم _ازى حضرتك يا طنط احسان وهى تجلس على ماكينه الخياطه _اهلا يا روح قلب طنط ،عاملة ايه ياحبيبتى نغم _الحمد لله كويسه احسان _يارب دائما يابنتى ،ادخلى يا حبيبتى مع فرح جوا علشان تاخدوا راحتكم دخلت نغم الى غرفه فرح وجلست على السرير بانهاك فى قلبها فرح _مالك يا نغم ،شكلك حزين اوى لم تستطع نغم تمالك نفسها فبكت_فرح انا تعبانه تعبانه فعلا يافرح ،انا مش عارفه اعمل ايه فرح بحزن على صديقتها _فى ايه يانغم خير نغم_ انا لوحدى يا فرح ،مفيش حد معايا ،حاسه انى عايشه لوحدى فى الفيلا من غير ام ولا حتى اب واخ ،،وجود امى كان بيفرق معايا كتير ،،بقيت بفضل فى الفيلا طول اليوم لوحدى ،حاسه بملل فظيع "لم يكن هذا فقط ما كانت تشعر به نغم فلقد كان فى جعبتها الكثير لكنها لا تستطيع البوح به" فرح_وانا روحت فين يا نغم ،انا معاكى انتى مش لوحدك يا نغم ،بطلب منك كل يوم تقضى النهار كله معايا بس انتى بترفضى نغم_مش هينفع كل يوم اجى هنا يافرح،لازم اهلك ياخدوا راحتهم فى بيتهم فرح_يابنتى مااحنا فى اوضه لوحدنا ،يعنى مفيش ازعاج للبيت ياريت متخديش الامور بحساسيه كده علشان مش ازعل منك نغم_حاضر يافرح ،هحاول فرح يلا امسحى دموعك هروح اجيب حاجه نشربها واجى علطول نغم بابتسامة _ماشى نظرت الى الهاتف وجدت رساله "عارف انك عند فرح ،يلا انتهزى الفرصه وكلميها" نغم بدهشه_يانهار ابيض بيراقبها كمان ،مسحت الرساله على الفور جاءت فرح ومعها كوبان من العصير _يلا يا نونا اشربى العصير ده علشان تروقى نغم _تسلميلى يا حبيبتي نغم متردده _ فرح انتى مش بتفكرى تشتغلى فرح _ياريت ، روحت مرة استعلم فى شركه ،بس مفيش نصيب نغم_طيب ايه رايك انى جايبه لك فرصه عمل فى شركة كويسه فرح _بجد يا نونا ،وانتى كمان هتشتغلى معايا فيها نغم _انا مش بفكر فى الشغل يافرح فرح _ليه بس الشغل هيخرجك من الملل اللى انت حاسه بيه من بعد ما اتخرجنا نغم بتهرب_المهم خلينا فى موضوع شغلك ،،العنوان ده لشركه طالبه سكرتيرة بتعرف لغه كويس جدا وكمان بمرتب كبير جدا ،فقلت انها فرصه ليكى فرح _ممم سكرتيرة؟! نغم_روحى جربى شهر او حاجه ولو معجبكيش تقدرى تقدمى استقالتك عادى فرح بتردد _مش عارفه يا نغم ،انتى شايفه ايه نغم وهى تشعر انها تخدع صديقتها _شايفه انها فرصه كويسه ،جربى حظك هناك فرح_طيب الشركه دى شركه ايه نغم _استيراد وتصدير فرح _ممم طيب ربنا يسهل ، نغم _خدى بالك لازم تروحى بعد يومين تقدمى والا الفرصه ممكن تروح عليكى *** فى المساء فرح _عملت ايه يا يامن يامن بفرح _الحمد لله ،الاختبار كان صعب ،بس اخوكى قدر يجتازه بفضل الله فرح بسعاده لاخيها_الحمد لله يارب ، محمود _ربنا يوفقك يابنى دائما فرح _نغم صاحبتى جابت لى شغل فى شركه يامن _شركه ايه؟! فرح _استيراد وتصدير،مطلوب سكرتيرة عندها لغه وكده يامن _بس انا كنت حابب ليكى فرصه افضل من السكرتيره فرح _ هجرب هناك لحد ما يجيلى فرصه افضل يا يامن ،ربنا يقدم اللى فيه الخير ،وكمان بتقول المرتب كبير يامن_مش حكايه مرتب يافرح ،انا .. فرح _انا فاهمة قصدك يا يامن،صدقنى لو ما ارتحتش هسيب الشغل احسان _ربنا يوفقك يا حبيبتي محمود _هتروحى امتا فرح _بعد يومين يامن بضيق _بجد ،ده ميعاد الاختبار النفسى وانا كنت عايز اوصلك فرح _انا مبقتش صغيرة يا يامن اقدر اروح لوحدى او ممكن نغم توصلنى احسان بتذكر _حازم صاحبك عمل ايه ؟! يامن _الحمد لله قدر يجتازه هوا كمان ___________