اما بعد

البارت الا ول والتاني

-لو سمحت اخرج برة عاشان اغير هدومى
=لأ
-هو اى اللى لأ انت عاوز اى منى هاا اتجوزتنى بالعافية وقولت ماشى لكن هتقرب منى والله اللى فى دماغك ده ما يحصل …لقيته قام وقف مرة وقرب
=واى هو اللى فى دماغى
-معرفش هى دماغك ولا دماغى …قرب اكتر منى لقيت نفسى تلقائى ببعد
=الله مش انتى اللى بتقولى
-قولت اى
=لسة قايلة دلوقتى اللى فى دماغك ده مش هيحصل
-لو سمحت ابعد عنى متقربش كداا
=انا جوزك على فكره!
-بالعافية على فكرة
=بحبك على فكره
-اى كمية على فكره دى لحظة انت قولت اى
=لا اتقالت مرة واحدة خلاص
-اطلع برة
=والله اوضتى وانا حر فيها اطلع اخرج ملكيش فيه
-ماشى انا هاروح اغير فى حتة تانية …روحت ناحية الباب عاشان افتحه واخرج مبيفتحش
-ممكن طيب تفتحلى الباب
=لا ما هو مش هيتفتح
-ازاى يعنى
=يعنى انا قفلته بالمفتاح ورميت المفتاح
-اى يعنى اتحبسنا …هز راسه بمعنى اه
-انت بارد على فكره … راح ناحية السرير وقعد
=عارف
-ودمك تقيل … فجأة ضحك
=ماشى
-اول مرة أشوف حد بيتهزق ويسكت
=…..
-طب هنفضل بلبس الفرح ده طيب
=والله الدولاب عندك والهدوم فيها قومى لو مدايقة من الفستان …بصتله وانا من جوايا عاوزة اقتله اصلا
-ما انا مش هغير قدامك انا افتحلى الباب طيب
=لأ …طب اقتله ده واخش السجن فيه ويقولوا عروسه قتلت زوجها ليله الزفاف لأ لأ ما انا كدااا هخش السجن مفيش الا طريقة واحدة اخليه يفتحلى الباب بيها ،قربت منه وقعدت جنبه ،بصلى بأستغراب
-بقولك اى ي حبيبى …بصلى ومش مصدق اللى بعمله
=حبيبك
-وقلبى كمان
= ده اى القمر ده
-لازم اكون قمر مش النهاردة فرحنا ولا اى ..وقربت منه اكتر
=طب براحه عليا طيب انا مش مصدق نفسي
-لا صدق ي روحى ده النهاردة فرحنا حتى … وحطيت ايدى على دراعه
=اه عندك حق …ولقيته بيقرب منى
-لا مش اغير هدومى الأول
=لا مش قادر
-معلش سبنى براحتى
=براحتك طبعا ي قلبى
-طب هات المفتاح اخرج اغير واجيلك وانت كمان تغير البدلة دى
=اتفضلى يا قمر
-ربنا يخليك ليا يارب
=ويخليكى ليا … قومت وروحت ناحية الباب وانا من جوايا فرحانة انى قدرت اخد المفتاح منه والله انا خسارة فى البلد دى روحت ناحية الباب وفتحته وقفلته بالمفتاح من برا وانا من جوايا فرحانة
-سبتلك الاوضة بحالها اهى نام براحتك بقاا
=ملك متهزريش افتحى
-لا ي مصطفى خليك بقاا هفتحلك الصبح سلام
=ملك ي ملك ماشى ي ملك والله لتندمى
دخلت اوضة الاطفال وقفلتها عليا وفجأة قعدت على الأرض احب اعرفكم بنفسى انا ملك احمد سليمان من اسبوع اتقدملى مصطفى
فلااش بااك
-مش موافقة اتجوزك خد اهلك لو سمحت وامشى
=طب وطى صوتك باباكى لو سمعك يعمل اى ممكن اعرف اى السبب
-من غير سبب انا مش عاوزة اتجوزك اصلا
=مش عاوزة تتجوزينى ولا رافضة فكرة الجواز عامة
-الاتنين
=اممم طب يعنى فيا حاجة مش كويسة يخليكى رفضانى بالشكل ده
-لا انت قمر والله مش قصدى لا حلو لا مش كداا قصدى انك كويس يعنى وكداا انا اسفة
=اهدى أهدى اى يا بنتى عادى قولى اللى انتى عاوزاه يعنى انتى مش موافقة بس انا موافق عليكى
-ازاى يعنى انت اول مرة تشوفنى ازاى موافق كداا
=بس مين قالك انى اول مرة اشوفك
-معرفش انا اول مرة اشوفك فطبيعى تكون انت اول مرة تشوفنى
=طيب بصى ي ملك انا هعمل اى دلوقتى مش عاوزك تنطقى بكلمة
-ازاى هتعمل اى ولقيته فجأة بينادى لبابا
=يا عمى احنا موافقين بعد يومين الخطوبة وكتب الكتاب وبعديهم الفرح… بصيت وانا مصدومة ولسة جاية ارد لقيت الزغاريط اللى طلعت اى ده اهلى ما صدقوا معقولة عاوزين يخلصوا منى كداا ومالهم فرحانين كداا ليه كل حاجه عدت بسرعة وكل ما اجى اتكلم مصطفى كان يعمل اى حاجه متخلنيش اتكلم لحد ما بقيت مراته
بااك
محدش يفتكر انى مثلا وحشة او انى عاملة عملة علشان كداا رافضة او بحب حد لا والله بس انا واحدة لسة مخلصة دراسة نفسيتى مش مهيئة لأى حاجة ولا لحب ولا لجواز ولا الكلام ده كل اى بنت نفسيتها بتكون مرتاحة اكيد هتكون سعيدة وهتكون مهيئة للحب والارتباط وكل الكلام ده انا بس كنت عاوزة حد يفهمني او يقرب منى اما اقوله حاجة يفهم وجهة نظري يفهم انا حالتى اى وعايشة ازاى غالباً قليل اوى من الناس اللى يلاقى حد يفهمه ويحس بيه او يعرف جواه اى او حياته ماشية ازاى لان غالبا الكل ليه حالة خاصة لوحده اللى سعيد ولا جواه هموم واللى مخنوق واللى مش مرتاح فى حياته وحاجات كتير من كداا فمحدش بيفهم التانى لان كل واحد بيفكر فى نفسه وفى حاله بمعنى اصح هى الدنيا كداا وهى دى سنة الحياة شلت كل الأفكار دى من دماغى وقومت غيرت هدومى ولقيت الفجر اذن صليت ونمت ومحستش عدى قد اى من الوقت ولقيت خبط وزغاريط على الباب ينهر اسود اعمل اى دلوقتى يلهوى ده مصطفى مستحلفلى كنت خايفة جدا فتحت الباب ولقيت….

يتبع
ا
البارت التانى
فتحت الباب ولقيت الباب لسة مقفول على مصطفى جبت المفتاح وفتحتوا دخلت وكان مصطفي نايم فى سابع نومة فضلت واقفة ببص عليه وفجأة صوت الخبط على
-مصطفى مصطفى قوم اهلنا جم يلهوى هو نومه تقيل كداا ليه كل ده ومصحاش يا مصطفى
=لسة بدرى يا امى سبينى انام حبة كمان
-امك مين اصحا الله يخربيتك اهلنا على الباب ي مصطفى متهزرش فوق بجد … فجأة فتح عيونه
=اى ده فى اى انتى مين
-مين اى مش وقت فقدان زاكرة قوم افتح الباب اهلنا جم … فجأة حط ايده على راسه اتلاقيه بيسترجع الزاكرة ولا حاجة
-الناس ماتت على الباب قوم ي بارد ،رفع عينه ليا فجأة كداا وفجأة قام وفتح الباب وانا خرجت وسلمت على اهلى واهله وقعدوا حبة وجاهم يمشوا
-يلا ي حبيبى احنا قولنا نطمن عليكوا نستاذن احنا بقاا
=ما تخليكى ي ماما قاعدة معانا حبة كمان
-لا يا بنتى كفاية كداا يلا ي احمد علشان نمشى …طبعا كنت خايفة من مصطفى وقلبى كان ماليه الخوف من اللى هيحصل ،مشيوا اهلنا وراح قفل الباب وانا واقفة خلاص قلبى هيقف من الرعب رفعت راسى ملقتش مصطفى فى الصالة ودخل الاوضة ،اى ده فى اى هو معملش حاجة ليه طب ادخله طيب انا خايفة لا مش عارفة ده معمليش حاجة قعدت فى الصالة وفجأة لقيت الفون بتاعى بيرن وكانت بنت خالتى ياسمين
-اى ي حبيبى عاملة اى
=الحمد لله
-اى ده مال صوتك ي ملك
=كويسة ي ياسمين امال انتى فين
-فى الجامعة ما انتى عارفة
=اه ربنا معاكى
-طب انا قولت اطمن عليكى هبقا اجيلك لما اخلص ماشى
= حاضر فى انتظارك مع السلامه … بصيت عليه لقيته واقف شكله كان بيسمع المكالمة ولا اى
-صاحبى جاى النهاردة على فكرة انا قولت اعرفك علشان تعملى حسابك
=حاضر وانا ياسمين بنت خالتى جاية بردو
-تمام …ولقيته رايح ناحية المطبخ
=انت رايح فين
-هعملى اكل جعان
=طب مش المفروض تقولى
-شكرا مش محتاج مساعدة …واضح انو زعلان اوى من امبارح
=لا هقوم اعملك
-قولتلك شكرا مش عاوز حاجة انا بعرف اعمل لنفسى كل حاجة مش محتاج حاجة من حد
=حد انا حد ي مصطفى ..بصلى ودخل المطبخ وانا دخلت الاوضة مش عارفة مش قادرة اشوفه زعلان منى كان الاول بيرخم عليا شكلى كنت حابة كداا او اتعودت على كداا منو علشان من اول ما جه يتقدملى وهو كداا فالبالتالى الإنسان اما بيتعود على حاجة من شخص وفجأة تتغير بيحس بزعل وبيبقا عاوز يرجع الحاجة دى قررت انى ادخل المطبخ عليه واعمل نفسى بشرب وبالمرة اشوفه بيعمل اى دخلت المطبخ
ولقيت….
______________________________
– يلا يا ياسمين هنتاخر على المحاضرة اى ي بنتى قاعدة كل ده ليه
=لا ي حنين انا تعبانة شكلى مش هقدر احضر
-الف سلامة عليكى طب تحبى اروح معاكى
=لا انا مش هروح انا هقعد هنا استناكى اكون ارتحت شوية وتخلصى ونمشى مع بعض
-خلاص ماشى مع السلامة خلى بالك من نفسك
=حاضر
فجأة ياسمين وهى قاعدة لقت حد جه قعد جمبها
-اى ده انت مين
=اهدى طيب فى اى انا هخطفك
-انت واحد قليل الادب ازاى تيجى وتقعد جمبى كداا
=انتى بتكلمى مين
-بكلمك انت هو فى غيرك قاعد
=يعنى انا اللى قليل الأدب
-اه
=هو انتى متعرفيش انا مين
-هتكون مين يعنى اتلاقيك زميل صايع ولا لاقى حد يلمك
=زميل هو باين انى صغير اوى كداا
– لو سمحت قوم من هنا
=لا ما انا قليل الادب اقوم ازاى
– هو اى ده انت معندكش دم على فكرة لان قولتلك كام مرة قوم اقولك انا اللى قايمة … ياسمين جاية تقوم فجأة شدها ناحيته وبقت على حجره
=اى ده اوعى انت هتعمل اى
-هوريكى قلة الأدب تصدقى عيونك حلوين اوى
=اوعى والله الم عليك الجامعة
-محدش يقدر يعملى حاجة
=طب انت مين طيب وعاوز منى اى
-يعنى فيها اى لو كنتى سألتى السؤال ده من الاول لازم تغلطى وتعصبينى كداا بس انا مش مسامحك
=طب ممكن توعى طيب انا آسفة ليك لو حد شافنا هيعمل اى
-تؤ انا هاخدك معايا عجبتينى وعجبتنى لماضتك وفجأة …

يتبع